ଲେମ୍ବୁୁ ଗୋଟେ ଦିଅରେ !

ବଢ଼ି ଥିଲା ଆଳୁ ପିଆଜ ଭାଉଜ

ଖାଇବା ସୋରିଷ ତେଲ l

ବାଇଗଣ କୋବି ବିଲାତି ଆଳୁବି

ବଢିଥିଲା ତାର ମୂଲ ll

ଲେମ୍ବୁ କଞ୍ଚାଲଙ୍କା ଥିଲା ତ ସୁଲଭ

ଟଙ୍କାରେ ଚାରିଟି ଲେମ୍ବୁ l

ଲେମ୍ବୁ ଦର ଆଜି ଆକାଶ ଛୁଆଁ ଯେ

ଦଶ ଟଙ୍କା ଗୋଟେ ଲେମ୍ବୁ ll

ଦଶଟଙ୍କା ଦେଇ ଆଣିଲି ଗୋଟେ ଯେ

କାଟିଲି ପନିକି ଧରି l

ଯେତେ ଚିପିଲେ ବି ଟୋପେ ପାଣି ନାହିଁ

କାଟି ସାରିଲିଣି ଚାରି ll

କି ଯୁଗ ଆସିଲା ଲେମ୍ବୁ ଶୁଖିଗଲା

ନାହିଁ ବି ଟିକିଏ ରସ l

ଚାଷୀର ଦୋଷ ନା ସରକାର ଦୋଷ

କିଏ ଶୁଖେଇଲା ରସ ll