Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

ବି. ନିରୁପମା

Inspirational Children

3  

ବି. ନିରୁପମା

Inspirational Children

ଲାଗିଅଛୁ ଅବିରତ

ଲାଗିଅଛୁ ଅବିରତ

1 min
187


କେଉଁ ଜନମର କେତେ ପୁଣ୍ୟ ବଳେ

ମିଳିଛି ତୋ ପରା ଭାଇ 

ସେଇ କଥା ଭାଳି ପୁଲକିତ ହୁଏ

ଏଠି ମୁଁ ଦୂରରେ ଥାଇ ।


ମନେପଡ଼େ ଆମ ପିଲାଦିନ କଥା

ଥିଲୁ ଭାରି ଚୁଲୁବୁଲୁ 

ସଭିଙ୍କର ସ୍ନେହ ଆଦର ପାଇ ବି

ବିଗିଡ଼ିନୁ ବିଲୁକୁଲୁ ।


ପିଲାଟି ବେଳରୁ ବାପାଙ୍କ ସାଥିରେ

ଯାଉ ଶିକ୍ଷାଲାଭ ପାଇଁ 

ଛୁଟିରେ ସେଠାରେ ରହିଯାଉ କେବେ

ଘରକୁ ଆସୁ ବି ଧାଇଁ ।


ହୋଇଥିଲା ଦିନେ ମୋ ଦେହ ଅସୁସ୍ଥ

ଘରେ ଥିବାବେଳେ ତୁହି 

ମାଆ ପଠାଇଲା-"ହାଟରୁ କେତେଟା

ଲେମ୍ବୁ ଯା' ଆସିବୁ ନେଇ ।"


ଯେତେ ଖୋଜିଲେ ବି ମିଳିଲାନି ଲେମ୍ବୁ

ଆସିଲୁ ମନକୁ ମାରି 

ବାଟରେ ଗୋଟାଏ ବଗିଚା ଦେଖିଲୁ

ଲେମ୍ବୁଗଛ ଥିଲା ଭାରୀ ।


ଖୋଜିଲୁ ସେଇଠି ବାଡ଼ି ମାଲିକଙ୍କୁ

ପାଇଲୁନି କାହିଁ ଯେଣୁ 

ଅତି ଦରକାର ଅଛି ବୋଲି ଭାଳି

ତୋଳିଲୁ କେତୋଟି ତେଣୁ ।


ତୋ ସାଙ୍ଗପିଲାର ସେ ବଗିଚା ଥିଲା 

ଭାବିଲୁ ଯିବି ତା' ଘର 

କହିବି କେତୋଟି ଲେମ୍ବୁ ନେଉଅଛି

ଅଛି ଭାରି ଦରକାର ।


ଘର ଯିବା ତାଙ୍କ ନ ହୋଇଲା ଆଉ

ବାଟରେ ମିଳିଲେ ଅଜା 

ତୁମ ବାଡ଼ି ଲେମ୍ବୁ କହୁ କହୁ ସିଏ

ନେଇଗଲେ ମାରି ମଜା ।


ତଥାପି ଖୁସିରେ ଫେରିଲୁ ଘରକୁ

ହାତେ ଥିଲା ଲେମ୍ବୁ ଦୁଇ 

କହିଲୁ ବୁଢ଼ାକୁ ଦେଖାଇବା ଆଗୁଁ

ପକେଟରେ ଦେଲି ଥୋଇ ।


ଅଉଷଧ କାମେ ଲଗାଗଲା ଲେମ୍ବୁ

ଦେହ ହେଲା ମୋର ସୁସ୍ଥ 

କୁହାଗଲା କାହା ବିନାନୁମତିରେ

ଚିଜେ ନ ଦେବାକୁ ହସ୍ତ ।


ପରେ ସେ କଥା ତୋ ସାଙ୍ଗକୁ କହିଲୁ

କରୁ ନ ଥିଲି ମୁଁ ଚୋରି 

ଅତି ଆବଶ୍ୟକ ଥିଲା ବୋଲି ତାହା

ନେଇଥିଲି ତୋଳି କରି ।


ବାଟରେ ତ ସବୁ ନେଇଗଲେ ଅଜା

ବାକି ରହିଲା ଯା' ଦୁଇ 

ଭଲ ହୋଇଗଲା ନାନୀର ସମସ୍ୟା

ସେଇଥିରୁ ଗୋଟେ ଖାଇ ।


ଅନ୍ୟ ପିଲା ଶୁଣି ସେ କଥା ହସିଲେ 

କହିଲେ ତୁ ପୂରା ସାଧୁ 

ବଡ଼ ହେଲେ ନିଶ୍ଚେ ଗାଁ ନାଁ ରଖିବୁ

ହେବୁ ମଧୁ ଗୋପବନ୍ଧୁ ।


ସତରେ ତୁ ଦିନେ ଭଲ ପାଠପଢ଼ି

ହେଲୁ ଦେଶ କାର୍ଯ୍ୟେ ରତ 

ପରିବାର ଆଉ ସମାଜ କଲ୍ୟାଣେ

ଲାଗିଅଛୁ ଅବିରତ ।


ଆଖପାଖ ଲୋକ ତୋ ଉଦାହରଣ

ଦିଅନ୍ତି ପିଲାଙ୍କୁ ନିତି 

କେଉଁ ଭଳି ନିଜ କର୍ତ୍ତବ୍ୟ କରୁଛୁ

ଆଗ୍ରହରେ ଯଥାରୀତି ।


ଆହୁରି କେତେ ଯେ ସ୍ମୃତି ମନେପଡ଼େ  

କହିଲେ ବିତିବ ଦିନ 

ବାକିଦିନ ଯେତେ ସୁଖେ ବିତିଯାଉ

କରି ମାତାଜୀଙ୍କ ଧ୍ୟାନ ।



Rate this content
Log in