କୁହୁଡିଵଳୟ

ସ୍ୱପ୍ନିଳ ବେଳାଭୂମିରେ

ସ୍ଥିତପ୍ରଜ୍ଞ ଭଗ୍ନ ଜୀର୍ଣ୍ଣ ଭଗ୍ନ କୋଣରକ

ଖୋଜେନା ସେ ଅଲୋଡ଼ା  

ସମୟର ବେଳା

ନୂଆନୂଆ ରୂପକଳ୍ପ ସରଂଚନା ପାଇଁ

 ଶାଶ୍ୱତ ସମୋଜ୍ଜଳ ମଧ୍ୟାହ୍ନ

ଜାଳି ଥିଲା ସେଦିନ

ପରିପୂର୍ଣ୍ଣ ଜୀବନର

ଆଲେଖ୍ୟ ଦୀପାଳୀ ।

ଦିନାନ୍ତ ଦିଗନ୍ତଭରି

ଆଜି ପାଣ୍ଡୁର ସେ ପୌଷ

କୁଝ୍ଝଟିକାଵଳୟ ରେ

ନିର୍ଲିପ୍ତ ଅଶାନ୍ତ ପାଟଳ ଜୀବନ

ଧୂମାୟିତ ସ୍ୱଚ୍ଛ-ସ୍ୱର୍ଣ୍ଣ।ଭ ରଶ୍ମି।

ତଥାପି ନିର୍ବାକ ପାଷାଣ ଅନ୍ତରୁ

ଝରିପଡୁଛି ମମତାର ଫଲ୍ଗୁ

ପୂଜ୍ୟଲବ୍ଧା କେତେ ଉପଦେଶ

ପାଷଣୀ କନ୍ୟାର ଗରୀମା କାହାଣୀ

ବୀରାଙ୍ଗନା ରମଣୀର ଯୁଦ୍ଧ ସାଜ୍ଜସଜ୍ଜା 

ଅତୀତ କୀର୍ତ୍ତି ମାଳିନୀସମୂହ

ଶାସକ ଶାସିତ ବୀର ଗଉରବ ଗାଥା

ଗୋଧୂଳି ଲଗ୍ନାନ୍ତରେ

ଶ୍ରଦ୍ଧେୟ ଚିରଦିନ ପାଇଁ ।

ସ୍ପର୍ଶୀତ ଅପାଙ୍ଗ ତୋଳି

ଜୀବନ ଜ୍ୟୋତିରେ

ଉଦ୍ଭାସିତ କାଳ କାଳ

ଦୀର୍ଘ ଆଶା ବିଶ୍ବାସ ତୋଳି

ଦଣ୍ଡାୟମାନ ଅଚଂକ ପାଷାଣ

ଯୁଗପରେ ଯୁଗ ଅନ୍ତକ୍ଷଣ ଯାଏଁ ।