କରିବା ଚାଲ ଘର
କରିବା ଚାଲ ଘର
ଆସରେ ପିଲେ ଗଣିବା କାଠି
ଖେଳିବା ଆମେ ଖେଳ ।
କାଠିକୁ ଗଣି ମିଶାଇ ଦେବା
କରିଣ ତାକୁ ମେଳ ।।
ରାମ ପାଖରେ ଗୋଟିଏ କାଠି
ହରି ପାଖରେ ଦୁଇ ।
କୁନା ପାଖରେ ଅଛି ତିନୋଟି
ଶ୍ୟାମ ପାଖରେ ନାହିଁ ।।
ଶ୍ୟାମକୁ ଦେଲେ ରାମ ଓ ହରି
କାଠି ମିଶାଇ ଦେଇ ।
ଶ୍ୟାମ ପାଖରେ କେତୋଟି କାଠି
ଥିବରେ ପିଲେ ହୋଇ ।।
କାଠିକୁ ଗଣି ଶ୍ୟାମ କହିଲା
ତିନୋଟି ମୋର ହେଲା ।
ସେହି ତିନୋଟି କାଠିକୁ ଶ୍ୟାମ
ମିତାକୁ ଦେଇ ଦେଲା ।।
ମିତା ପାଖରେ ଥିଲା ଚାରୋଟି
ମିଶିଲା ତିନି ପୁଣି ।
ଚାରିରେ ତିନି ମିଶିଲେ କେତେ
କୁହରେ ପିଲେ ଗଣି ।।
ସାତଟି ହେଲା ମୋର ବୋଲିଣ
ଉତ୍ତର ଦେଲା ମିତା ।
ସେହି ସାତଟି କାଠିକୁ ପୁଣି
ସଂଗହ କଲା ସୀତା ।।
ସୀତା ପାଖରେ ଥିଲା ପାଞ୍ଚଟି
ମିଶିଲା ସାତ ଏବେ ।
ପାଞ୍ଚରେ ସାତ ମିଶିଲେ କେତେ
କୁହରେ ପିଲେ ତେବେ ।।
ସବୁ ଗଣିକି ସୀତା କହିଲା
ବାରଟି ହେଲା ମୋର ।
ଗୁରୁ କହିଲେ ସଭିଏଁ ଭଲ
କରିବା ଚାଲ ଘର ।।
କାଠିକୁ ନେଇ ପିଲାଏ ଘର
କଲେ ଆନନ୍ଦେ ହସି ।
ଖେଳ ମାଧ୍ୟମେ ମିଶାଣ ଶିଖି
ହେଲେ ସଭିଏଁ ଖୁସି ।।