Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

Santosh Kumar Nayak

Abstract Tragedy Others


3  

Santosh Kumar Nayak

Abstract Tragedy Others


କନ୍ୟାଦାନ

କନ୍ୟାଦାନ

1 min 34 1 min 34

କନ୍ୟାଦାନ 


ସରିଗଲା ତୋର ବାପଘର ଖେଳ

ସଂସାର କରିବୁ ଯାଆ,

ସଭିଙ୍କର ମନ ନେଇ ତୁ ଚଳିବୁ

ରଖିବୁ ବାପର ନାଆଁ ;

କରିଲି ମୁଁ କନ୍ୟାଦାନ,

ଛାତି କୁଣ୍ଢେମୋଟ ହୃଦ ଛଟପଟ

କିଏ ବୁଝିବ ମୋ ମନ?


ଶ୍ବଶୁରଙ୍କୁ ତୋର ବାପା ଡାକିବୁ ଲୋ

ଶାଶୁଙ୍କୁ ଡାକିବୁ ମାଆ,

ଦିଅର ନଣନ୍ଦ ଭାଇ ଭଉଣୀ ତୋ

ସ୍ଵାମୀ ହିଁ ତୋହରି ସାହା;

ରାଗିବୁନି ଝିଅ ଜମା,

ଦୋଷ ଥିଲେ ତୋର ବାପା ମାଆଙ୍କର

କରିଦେବୁ ତୁହି କ୍ଷମା।


ଦିଅର ଥଟ୍ଟାରେ କହିଦେଲେ କିଛି

ଭାବି ତୁ ଉତ୍ତର ଦେବୁ,

ନଣନ୍ଦର ଯଦି ଭୁଲ କିଛି ହୁଏ

ସେନେହରେ ବୁଝାଇବୁ;

ଶାଶୁ ତୋ ପୁରୁଣା ଲୋକ

ଅଯଥାରେ ଖାଲି କରିଲେ ବି ଗାଳି

ଧରିବୁନି କଥା ତାଙ୍କ।


ପଣତରେ ବାନ୍ଧି ସ୍ଵାମୀକୁ ତୋହର

ରଖିଥିବୁ ଝିଅ ମୋର,

ପତିଦେବ ଯଦି ଅବାଟରେ ଗଲେ

ଭାଙ୍ଗିଯିବ ସୁନାଘର ;

ଶ୍ୱଶୁରଙ୍କୁ ସେବୁଥିବୁ,

ତାଙ୍କ ଆଶୀର୍ବାଦ ପାଇଲେ ଝିଅ ତୁ

ସୌଭାଗ୍ୟବତୀ ହୋଇବୁ।


ସଂସାର ଭିତରେ ଘର କରିଲେ ଲୋ

ପଥର ପଡିଲେ ସହି,

ଘରର କଥାକୁ ମନରେ ରଖିବୁ

ପରକୁ ଦେବୁନି କହି ;

ହେଲେ ଭୁଲ ବୁଝାମଣା,

ସାହସ ଧରି ତୁ ଆଗେଇ ଚାଲିବୁ

କରିବୁନି ମନ ଊଣା।


Rate this content
Log in

More oriya poem from Santosh Kumar Nayak

Similar oriya poem from Abstract