Library
Profile
କନ୍ୟା ଙ୍କ ଉପଲକ୍ଷେ
କନ୍ୟା ଙ୍କ ଉପଲକ୍ଷେ
ଯୁଗେ ଯୁଗେ କନ୍ୟା ଅଟଇ ଯେ ଧନ୍ୟା ଶାସ୍ତ୍ର ରେ ଅଛି ପ୍ରମାଣ
ଗାର୍ଗୀ,ମୈତ୍ରେୟୀ ଓ ଅନୁସୟା ସତୀ ,ଅରୁନ୍ଧତୀ ଥିଲେ ଜାଣ ।
ଥିଲେ ମହା ସତୀ ସାବିତ୍ରୀ ଯେ ଦୁଇ କୁଳର ସେ ଥିଲେ ହିତା ।
ସେଥିପାଇଁ କନ୍ୟାଙ୍କର ଅନ୍ୟ ନାମ ଅଟଇ ପରା ଦୁହିତା ।
ଦୁଇକୁଳର ଯେ ହିତ ପାଇଁ ପରା ଅଟେ ଦୁହିତା ଜନମ
ଅହଲ୍ୟା,ଦ୍ରୌପଦୀ,ତାରା, ମନ୍ଦୋଦରୀ,କୁନ୍ତୀ ପଞ୍ଚସତୀ ନାମ।
ଭଞ୍ଜଯୁଗରେ ନାରୀ ମାନଙ୍କୁ ଭୋଗ୍ୟ ବସ୍ତୁ ରୁପେ ଗଣା କରି
ଖେଳନା କଣ୍ଢେଇ ପରିକା ସଜେଇ ରଖି ଥିଲେ ଯତ୍ନ କରି ।
ଏ ଯୁଗରେ କିନ୍ତୁ କନ୍ୟାମାନେ ସବୁ ପୁତ୍
ରଙ୍କ ଠାରୁ ଅଧିକ
ପାଠପଢା ଠାରୁ,କ୍ରୀଡା,କୌଶଳ ଯେ ଆକାଶରେ ବୈମାନିକ ।
କନ୍ୟା ଆଗଧାଡିର ଦର୍ଶକ ଅଟେ ଜୀବନ ରଙ୍ଗ ମଞ୍ଚରେ
ତାଙ୍କ ଅଧିକାର ତାଙ୍କୁ ଦେଲେ ସର୍ବେ ରହିବା ଯେ ଆନନ୍ଦରେ ।
ଜନନୀ, ଭଗିନୀ, ଜାୟା, ରୁପେ ନାରୀ ଅବତାର ଅଟେ ଜାଣ
ନାରୀକୁ ସମ୍ମାନ ମିଳେ ଯେଉଁ ଠାରେ ତହିଁ ବିଜେ ନାରାୟଣ ।
ନାରୀ ଅପମାନେ ସ୍ୱର୍ଣ୍ଣ ଲଙ୍କା ଜଳି ପୋଡ଼ି ହେଲା ଛାରଖାର
କୁରୁବଂଶ ଧ୍ଵଂସ ହୋଇଯାଇଥଲା ଅଛି ମହା ଭାରତର ।
ତ୍ୟାଗ, ଆଦର୍ଶ ଓ ସହନଶିଳତା ରହିଛି ତା ଠାରେ ପୁରି
ମାତୃସ୍ୱରୁପିଣି ସେ ଆଦି ଜନନୀ ଜନ୍ମ୍ୱ ଭୂମି ବସୁନ୍ଧରୀ ।
