କଣା
କଣା
ହେଇ ଗୋଟେ ଧରାପଡିଲା
ଟିଭି ଟାକୁ ଚାହିଁ
ସ୍ୱଗୋକ୍ତି କଲା ମନୁଆ ମାଝୀ
ସୁଖିଲା ରେ ବାଳିଆ ଧରିଲ ନା କଣ ?
ପେଜ ଗାଳୁ ଗାଳୁ
ମନୁଆ ସ୍ତ୍ରୀ ପଚାରିଲା ହୋଇ ତାଟକା l
ସେତେବେଳେ ରାତି ସାତଟା ନାଇଁ ମ
ଡ଼ାକ୍ତର ଇଞ୍ଜିନିୟର, ଫରେଷ୍ଟର
ତହସିଲଦାର, କିରାଣୀ କି ଛାର ପିଅନ
ଆୟ ବହିର୍ଭୁତ ସମ୍ପତ୍ତି ଠୁଳ ମାମଲା ରେ
କୋର୍ଟ ଚାଲାଣ
ଟିଭି ଖୋଲ ଏବେ ନ୍ୟୁଜ ସବୁଦିନ l
କୂଳ କିନାରା ପାଉନଥିଲେ
ଗେରସ୍ତ ଭାରିଜା ଦି ଜଣ
ଯେତବଡ଼ ଦଳ ପୋଖରୀ ରୁ ଦଳ ଛଡେଇ
ପଙ୍କ ରୁ ବୁଢ଼ା ଶେଉଳ ଧରିବାର
କାଇଦା ମନୁଆ କୁ ଜଣା
ରୋହି ଭାକୁଡ଼ କଣ ?
ଦଣ୍ଡିକିରି ବି ମାରିଵେ ଛୁ
ଯଦି ଜାଲରେ ଥିବ କଣା l
ସମ୍ପତ୍ତି ବୋଇଲେ !
ପୁଅଟେ ଝିଅ ଟେ
ଆମର ମାଡ଼ି ଯାଉଛି କଣ ?
ଗେରସ୍ତ ଭାରିଜା ଦି ଜଣ l