କଳ୍ପନା

କବିର କଳ୍ପନା

ହୃଦର ଭାବନା

ଭାବ ସହ ଭାବ

ମିଶାଇବାର ପ୍ରୟାସରେ l

ଲେଖନୀର ଚଞ୍ଚଳତା

ସୃଷ୍ଟି କରେ ନୂତନ ସମ୍ଭାର

ଚାଷୀଟିଏ କଳ୍ପନାରେ

ଆଗାମୀ କାଲିର ଭବିଷ୍ୟତକୁ l

ଦେଖି ପାରୁଥିବା ସ୍ୱପ୍ନ ସହ

ପ୍ରୟାସରେ ମଗ୍ନ

କରିବାକୁ ସଫଳ ସାକାର

ଚାକିରିଆର ଦିନଚର୍ଯ୍ୟାରେ l

ପରିବାରର ଶାନ୍ତି ଓ ସମୃଦ୍ଧି

କଳ୍ପନାର ବ୍ୟତିବ୍ୟସ୍ତତାରେ

ଖୋଜୁ ଖୋଜୁ ସରିଯାଏ ବଳ

ଦେଖୁଁ ଦେଖୁଁ ଆସିଯାଏ l

ତାର ଅବସର

ଦିନ ମଜୁରିଆର କଳ୍ପନା

ଅବାସ୍ତବ, ଅସମ୍ଭବ ସିନା

ନିରିମଳ ହୃଦ ସତ୍ତା ମଧ୍ୟେ l

ସକାଳରୁ ସଞ୍ଜ ଯାଏ

କର୍ମ କରିବାକୁ କୁଣ୍ଠା କରେ

ନାହିଁ କାରଣ

ସମ୍ମୁଖରେ ନାଚୁଥାଏ ସଦା

ତା' ଛୋଟ ସଂସାର

ତା' ଛୋଟ ସଂସାର ।