Library
Profile
କଳା ଗୋସାଇଁ
କଳା ଗୋସାଇଁ
କମଳାକାନ୍ତ ହେ କମଳାକାନ୍ତ
କମଳା ବଲ୍ଲଭ କଳା ସାଆନ୍ତ
ଦଳିତ ଅଞ୍ଜନ ଚିକ୍କଣ କଳା
ସୁନ୍ଦର ବଦନ ଶ୍ରୀଚକାଡୋଳା ll
କଳପ ବଟର ମୁଳରେ ବସି
ଦାରୁବ୍ରହ୍ମ ଅଛ ଲୀଳା ପ୍ରକାଶି
କରେ ଶଙ୍ଖ ଚକ୍ର ସୁଦରଶନ
କୌମଦକୀ ଗଦା କି ଶୋଭାବନ ll
ସରବ ସୌନ୍ଦର୍ଯ୍ୟ ଉପମା ଖଣି
ଗଢ଼ିଅଛି ତୋତେ କେଉଁ ବିନ୍ଧାଣି
ନେତ ଉଡ଼ାଇଛ ନୀଳ ଚକ୍ରରେ
ପତିତପାବନ ପତିତ ତାରେ ll
ସତ୍ୟଯୁଗେ ବଟୁ ରୂପକୁ ଧରି
ବଳିକୁ ଚାପିଲ ପାତାଳେ ହରି
ତ୍ରେତାରେ ଶ୍ରୀରାମ ରାବଣ ମାରି
ପଥରେ ତାରିଲ ପଥର ନାରୀ ll
ଦ୍ଵାପରେ କା
ଳିଆ କୃଷ୍ଣ କହ୍ନାଇ
କଂସାରୀ ଦଳିଲ କାଳୀୟ ଅହି
ପଞ୍ଚପ୍ରାଣ ଶୋଷି ପୁତନା ମାରି
ଖଞ୍ଜା ସଳଖିଲ କୁବୁଜା ନାରୀ ll
କଳି ଯୁଗେ ପ୍ରଭୁ କଳା ଠାକୁର
କଳ୍କୀରୂପେ ପରା ହେବ ବାହାର
ଧୂମକେତୁ ପ୍ରାୟ ହୋଇ କରାଳ
ହସ୍ତେ କରବାଳ ଦୁଷ୍ଟ ସଂହାର ll
କାଠର ଦେବତା ଛତିଆ ଯିବ
ବଡ଼ ଦେଉଳରେ କିଏ ରହିବ
କେ ବର୍ଣ୍ଣିବ ପ୍ରଭୁ ତୁମ୍ଭରି ଲୀଳା
ଚାତୁରୀ ତୁମ୍ଭର ଚତୁର କଳା ll
ଜଣାଣ କରୁଛି କଳା ଗୋସାଇଁ
କୃପା କଟାକ୍ଷରେ ଥିବ ଅନାଇଁ
ନେତ୍ରପଥେ ପ୍ରୂଭୁ ଥିବ ମୋହରି
ଜୟ ଜଗଦୀଶ ହରେ ମୁରାରୀ ll
