କିଛି ପ୍ରଶ୍ନ ????
କିଛି ପ୍ରଶ୍ନ ????
ପରିବା ଦରଟି ଛୁଏଁ ଯେ ଆକାଶ,
ବଜାରରୁ କିଏ ପାରିବ କିଣି ?
ତେଲ ଦର ଏଠି ଶହେ ଟପିଲାଣି,
ମଟର ଗାଡ଼ି କି ପିଇବ ପାଣି ?
ହାତରେ ଥାଇ ବି କ୍ଷମତାର ମାଳି
ପ୍ରାଣ ପାଇଁ କିଆଁ କରୁଛୁ ଅଳି ?
ବିଜ୍ଞାନରେ ବଳୀ ହୋଇ ଶକ୍ତିଶାଳୀ
କରୋନାରେ କିଆଁ ଯାଉଛୁ ଜଳି ?
ସେବକର ମୁଖା ପିନ୍ଧି ମାରେ ଚୋଟ
ରୋକି ପାରିବକି ଆଇନି ଛାଟ ?
ଚାଲିଛି ଏଠି ତ ଯୋଜନାର ହାଟ
ଭାଷଣରେ କାହା ଭରିବ ପେଟ ?
କାନୁନର ଜ୍ଞାନ ଧନୀ କିଣି ନେଲେ
ଗରିବ କେଉଁଠୁ ନ୍ୟାୟ ପାଇବ ?
ପ୍ରଶାସନ ଯଦି ଲାଞ୍ଚ ମାଗୁଥିବ
ମାଗଣା କେମିତି ସେବା ହୋଇବ ?
ଯେଉଁଠି ଶିକ୍ଷକ ରହେ ଭୟଭୀତ
କେମିତି ଭାବି ବି ସମାଜ ହିତ ,
ବିଦ୍ୟାଳୟ ଯାଇ ପିଲେ ପଢ଼ନ୍ତିନି
ଫୋନ କି ପାରିବ କରି ଶିକ୍ଷିତ ?
ଭାରତୀୟ ଆମେ ସଭିଁଏ ସମାନ
ଜାତି ଧର୍ମ ଖେଳ କାହିଁକି ଚାଲେ ?
ଅଜ୍ଞାନ ତମସା ଏଠି ଫୁଲେ ଫଳେ
ସ୍ଥାନ ସଂରକ୍ଷଣ କି ପାଇଁ କଲେ ?
ମହିଳା ପୁରୁଷ ପ୍ରକୃତିର ଅଙ୍ଗ
ନିଜ ନିଜ ସୀମା କାହିଁକି ଲଙ୍ଘ ?
ଦୁହେଁ ଦୁହିଁଙ୍କର ପରିପୁରକ ଯେ
ରୁହନି କାହିଁକି ହୋଇ କି ସାଙ୍ଗ ?