କିଛି ଚୋରା ମୁହୂର୍ତ୍ତ

    ଭାବିଥିଲି ଭଲ ମୁଁ ପାଇବି  

ମନ ନେଇ ମୋ ମନ ଦେବି। 

କ୍ଲାସ୍ ନଥିଲା ବେଳେ କମନ ରୁମରେ ବସି ତୁମ ସହିତ ଖୁବ୍ ଗପିବି 

କଲେଜରୁ ଫେରିଲା ବେଳେ ତୁମ ଘର ରାସ୍ତାରେ ଯିବି 

ସାଇକେଲର ଚେନ୍ ଲଗେଇବା ବାହାନେରେ ତୁମକୁ ଅପେକ୍ଷା କରିବି 

ସାଙ୍ଗ ମେଳରେ ଗଲାବେଳେ ବାରମ୍ବାର ପଛକୁ ବୁଲି ତୁମକୁ ଦେଖିବି 

ଗୁପଚୁପ୍ ବାଲା ପାଖେ ଠିଆ ହୋଇ ଗୋଟିଏ ଦୋନାରୁ ସାଙ୍ଗ ହୋଇ ଖାଇବି। 

ଭାବିଥିଲି ବାକି ଜୀବନ ତୁମ ସହ କଟାଇବି ହୋଲିରେ ପଛପଟୁ ଆସି ରଙ୍ଗ 

ବୋଳିଦେବି ଆଉ ଦୀପାବଳୀରେ ତୁମ ସହମିଶି ଦୀପ ଜାଳିବି।

ବସନ୍ତର ମୃଦୁ ମଳୟରେ ତୁମ ହାତ ଧରି ସନ୍ଧ୍ୟାରେ ବୁଲି ବାହାରିବି 

ଆଉ ଶରତର ନିଃଶବ୍ଦ ରାତିରେ ଛାତ ଉପରେ ତୁମ ସହ ବସି ତାରା ଦେଖିବି।

ତୁମ ସୁଖ ଦୁଃଖରେ ଭାଗ ବସାଇବି ଆଖିରୁ ଲୁହ ପୋଛି ଦେଇ ଓଠରେ ହସର

ଗାର ଆଙ୍କି ଦେବି। ସାଙ୍ଗ ନୁହେଁ ସାଥି ହୋଇ ବାଟ ଚାଲିବି ଜନ୍ମ ଜନ୍ମାନ୍ତର ପାଇଁ

ତୁମର ହେବାର ପ୍ରତିଶୃତି ଦେବି।

ଭାବିଥିଲି ଭଲ ମୁଁ ପାଇବି ମନ ନେଇ ମୋ ମନ ଦେବି 

ତୁମ ହୃଦୟରେ ମୋ ସଂସାର ବାନ୍ଧିବି।