ଖୋଜିବାରେ କାହିଁ ଶେଷ

ପରସ୍ତ ପରସ୍ତ ଆସ୍ତରଣ ଆଡେଇ 

ଖୋଜୁଥିଲା ଯାହା ହାତ 

ନା ଥିଲା ଗୋଲାପ କଣ୍ଟା ଜଳିଯାଇଥିଲା 

ହୋଇଗଲା ଭାଗ୍ୟ ପରାସ୍ତ 

ପାଉଁଶ ଭିତରୁ ପିୟୁଷ ଖୋଜିବା 

ଅସ୍ଥିର ହୃଦୟ ପରିକା ଚିତ୍ତ 

ପୋଡିଗଲା ପରେ ପାଉଁଶ ଭିତରେ 

ନଥାଏ ଅହଙ୍କାର ଅବା ବିତ୍ତ 

ପୋଡା ତିଅଣ ଯେତେ ପକା ରାଗ 

ଲୁଣ ସୁଆଦ ଲାଗେନା ଭାତ 

ଜିଭ ପାଟି ନିଯେ ଜଳେ ଅବା ଜାଳେ 

ପୋଡି ଯାଇଥାଏ ହାତ 

ଆଜିକାଲି ସେଇ ସ୍ମୃତି ସବୁ ଦହନ 

ବଣର ଅତୀତ ପ୍ରେତ 

ଆତ୍ମା ଥିଲେ ଥାଉ ନଥିଲେ ନାହିଁ 

ସରିନାହିଁ ଶେଷକୃତ୍ୟ 

ଗରବ ଗାରିମା ସୃଜନୀ ଲେଖନୀ 

ପାଉଁଶ ତଳେ ସମାଦୃତ

ଗୋଧୂଳି ଲଗନେ ସୂର୍ଯ୍ୟ ଡୁବି ଗଲେ 

ଗୋଠବାହୁଡାରେ ଦିନ ଅସ୍ତ

ସାତଧନୁ ଇନ୍ଦ୍ରଧନୁ ଆକାଶ ବକ୍ଷରେ 

ନିଜକୁ ନିଜେ କରୁଛି ପରାସ୍ତ