କେତେ ପାଖେ କେତେ ଦୂରେ

ତୁମେ ପାଖରେ ଥିଲେ

    ହୃଦ ସ୍ପନ୍ଦନ ବଢିଯାଏ

ଅନେକ ଭାବନା ଉଙ୍କିମାରେ

    ମନରେ, ଓଠ ନୀରବିଯାଏ l

ତୁମେ କହିଦେଇ ଚାଲିଯାଅ

    ଅନେକ ଗହନ କଥା

ସବୁ କିଛି ସାଇତି

   ରଖିବାକୁ ଚାହେଁ ମଥା l

ମନ ଝୁରେ ଅନ୍ତରଙ୍ଗ

   ମୁହୂର୍ତ୍ତ, କିଛି କଥା

ସମୟକୁ ଦିଏ ବାନ୍ଧି

    ସରେ ନାହିଁ ରାସ୍ତା l

ଆଖି ହୁଏ ଛଳଛଳ

   ମନରେ ଉଠଇ ଜୁଆର

ବୁଝି ପାରିବକି ତୁମେ

    ସହେ ହୃଦୟର ପ୍ରହାର l

ଏତେ ପାଖେ ତୁମେ

    କାହିଁ ଚାଲିଯାଅ ଦୂରେ

ହୃଦ ବେଳାଭୂମି ପରେ

    ମନ ଏକାନ୍ତରେ ଝୁରେ l

ବୁଝି କି ଅବୁଝା

  ତୁମେ ନୀଳ ପରୀ

ଅବା ଛୁଇଁ ନାହିଁ

  ପ୍ରେମ ହୃଦୟେ ତୁମରି l

ଅଳସୀ ନଇ ପରି

  ଯାଅ ଝରି ଝରି

ତାସଙ୍ଗେ କି ବହିଯାଏ

   ପୀରତି ଥିରି ଥିରି l

ହସ ଲାଗେ ଭାବି

  ଦେଲେ ପ୍ରେମ ଗାଥା

ଏତେ ପାଖେ ତୁମେ

    କିନ୍ତୁ କୁହନି ସେକଥା l