କବିତା ଆଳାପ-36 : (ପଞ୍ଚମ ସପ୍ତାହ) ଅମିତ୍ରାକ୍ଷର କବିତା -1 : ଯନ୍ତ୍ରଣା :
କବିତା ଆଳାପ-36 : (ପଞ୍ଚମ ସପ୍ତାହ) ଅମିତ୍ରାକ୍ଷର କବିତା -1 : ଯନ୍ତ୍ରଣା :
ଯନ୍ତ୍ରଣା କାହାକୁ କେବେ କହି ଆସେନାହିଁ,
ସଂଯମହୀନ, ବିଶୃଙ୍ଖଳା ଆଉ ଲୋଭ ତା'ର ବୀଜ,
ବିଜ ଦିନେ ବୃକ୍ଷହୋଇ ଝଡ଼ାଏ ତା' ଫଳ,
ସେ ଫଳର ଗୁଣ-କର୍ମ ଯନ୍ତ୍ରଣା ହିଁ କେବଳ ଯନ୍ତ୍ରଣା |
ଯନ୍ତ୍ରଣା ବିହୀନ ଥାଏ ଜୀବ ତନୁ-ମନ,
ତାକୁ ଆମେ ଉତ୍ତେଜିତ କରୁ ଜାଣିଜାଣି;
ମାନସିକ ଯନ୍ତ୍ରଣାତ ଦିଏ ଧନବଳ,
ଶାରୀରିକ ଯନ୍ତ୍ରଣାକୁ ସେହି ଧନକରେ ଆମନ୍ତ୍ରଣ |
ଧନ ଜନ ମାନ ଥାଉ ପର୍ଯ୍ୟାପ୍ତ-ଅମାପ,
ଯନ୍ତ୍ରଣାରେ ବନ୍ଦୀହୁଏ ସମାଜର ଶ୍ରେଷ୍ଠଜୀବ,
ସୁଖ-ସଂପଦ କଦାପି ନୁହେଁ ଚିରନ୍ତନ,
ସୁଖ ପଛେ ଲୁଚି ରହିଥାଏ- ମହାଦୁଃଖ,
ସଂପଦ ବି ବିପଦକୁ ଟାଣି ଆଣେ ଧୀରେ |
ସୂର୍ଯ୍ୟ ରଖିଛି କିରଣ ଆଲୋକର ରଶ୍ମି,
ତାପ ବି ରଖିଛି ଜାଳିଦେଇପାରେ ବିଶ୍ୱ;
ସଂଯମତା ନ୍ୟାୟ-ନୀତି ଶୃଙ୍ଖଳାରେ ଥାଇ,
ସୂର୍ଯ୍ୟ ଆଲୋକିତ କରେ ସୁନ୍ଦର ସୃଷ୍ଟିକୁ |
ମଣିଷର ଦିବ୍ୟଜ୍ଞାନ ଦେଖି ଭଗବାନ,
ଯନ୍ତ୍ରଣାରୁ ମୁକ୍ତି ପାଇଁ ଦେଖାନ୍ତି ଉପାୟ |