କାଶତଣ୍ଡୀ

ଜହ୍ନି ଫୁଲ ଫୁଟେ ନଦୀ ପଠା ତୁଠେ

କାଶତଣ୍ଡୀ ଫୁଲ ହସେ 

ଆଶ୍ୱିନ ଆସିଛି ଶରତ ବୋହୁଛି

ଶାରଦୀୟ ପୂଜା ଆସେ।

 

ନିର୍ମଳ ଆକାଶ ଦେଉଛି ପରସ 

ଧଳା ବାଦଲରେ ଭାସେ

କାଶତଣ୍ଡୀ ଶୋଭା ଦେଖାଉଛି ପ୍ରଭା

ହୃଦୟେ ସନ୍ତୋଷ ତୋଷେ।

ଆସିଲାଣି ଦେଖ କାଶତଣ୍ଡୀ ରୂପ

ତା ରଙ୍ଗ ମାଧୁରି ଶିରୀ

ମାଆଗୋ ଜଗଦମ୍ବା ମାଆଗୋ ମାହେଶ୍ୱରୀ 

ଆସିଛି ଆଶ୍ଵିନ ଧରି।

ପ୍ରଥମ ହସର ମୁଖ ଚାଷୀଙ୍କର

ପକ୍ଷୀଙ୍କ କାକଳି ସ୍ୱର 

ଦୂର୍ଗା ମାଆ ଆସିବେ ଶକ୍ତି ବିରାଜିବେ 

କାଶତଣ୍ଡୀ ଖର ଖର। 

ଶିଶିର ଶୋଭାରେ ଶରତ ହସେରେ 

ବିରାଜଇ କାଶତଣ୍ଡୀ

ମନ୍ମଥ ପୁଲକେ କାଶତଣ୍ଡୀ ରଙ୍ଗେ

ଯାଉଥାଏ ଦିନ ଛନ୍ଦି