କାଳିଆରେ
କାଳିଆରେ
କାଳିଆରେ.....
କାଳିଆରେ ତତେ ଥରେ ଦେଖି ଦେଲେ
ଭୁଲିଯାଏ ସବୁ ମାନ ଆଉ ଅଭିମାନ
ଯୋଉ ଦୁଃଖ ପ୍ରଭୁ ମୋତେ ତୁ' ଦେଇଛୁ
ଆଉଯେତେ ସୁଖ ଦେଲେ ବି କାଳିଆ
ଲାଗେ ସବୁ ମୂଲ୍ୟହୀନ ।
ନୀଳାଚଳ ଧାମେ ତୋ ଦଇତାରୀ ବାନା
ଉଡେ ସିନା ଫର ଫର
ହେଲେରେ କାଳିଆ ସେଇ ବାନା ତଳେ
ଏ ଦଇତ ପାଇଁ ନାହିଁ କରୁଣା ତୋହର ।
ତୋ' ଦିଆ ବିଷକୁ ଅମୃତ ଭାବି ମୁଁ
ନିତି ପ୍ରତି ପାନ କରେ
ତଥାପି କାଳିଆ ଏ ରଙ୍ଗ ମଞ୍ଚରେ
ଓଠେ ହସଭରି ବଞ୍ଚିବାର ମିଛ ଅଭିନୟ କରେ ।
ଯେତେ ଦୁଃଖ ଅଛି ସବୁ ଦେ କାଳିଆ
ହେଲେ ସହିବାକୁ ଦେ ଶକ୍ତି
ମୋ ' ଜୀବନର ଅନ୍ତିମ ସଂଧ୍ୟାରେ ଜୀବ ଗଲାବେଳେ
ଆତ୍ମା ମୋର ଯାଇ
ତୋ' ଚରଣେ ପାଉ ମୁକ୍ତି।