କାକର କାହାଣୀ

କେଉଁ ରାଇଜର ରୂପବତୀର ତୁ 

ନୟନ ରୁ ଝରା ବାରି 

ଦୁଃଖ ର ଅଵା କି ଆନନ୍ଦାଶ୍ରୁ ସେଯେ 

କହି ଦିଅ ଅପସରି l

ଧରଣୀ ରାଣୀ ର ଅବବ୍ୟୟକୁ ତୁ

ଭାବନା ରେ କରୁ ସିକ୍ତ

ସହସ୍ରାଂଶୁ ଙ୍କର ଆଗମନେ ପୁଣି 

ସ୍ୱତଃ ହୋଇ ଯାଉ ମୁକ୍ତ l

ତୋ ଅଶ୍ରୁ ପରଶେ ବନ ଦାରୁ ଲତା 

ଆଶ୍ୱସ୍ତି ଲଭନ୍ତି କ୍ଷଣେ 

ଦୁର୍ବାଦଳ ମଧ୍ୟେ ଚମକରେ ତୋର 

ଭ୍ରମ ରେ ପଡନ୍ତି ଜନେ l

ପଦ୍ମ ପାଖୁଡ଼ା ରେ ଗୋଲାପୀ ଅଧରେ 

କାକର କାହାଣୀ ଲେଖେ

ଶୀତ ସକାଳ ର ଶିଶିର ବୁନ୍ଦା କୁ 

ସୂର୍ଯ୍ୟମୁଖୀ ଦେହେ ମାଖେ l

ଶୂନ୍ୟରୁ ଆସି ସେ ଶୂନ୍ୟରେ ମିଳାଏ 

କ୍ଷଣସ୍ଥାୟୀ ତାର ସ୍ଥିତି

ଫୁଲ ପାଖୁଡା ରେ ହଜାଇ ଅସ୍ତିତ୍ୱ 

ଗାଇ ଯାଏ ପ୍ରେମ ଗୀତି l