କା'ପାଇଁ ଜୀବନେ
କା'ପାଇଁ ଜୀବନେ
କା'ପାଇଁ ଜୀବନେ ସୁବାସ କୁସୁମ
ନ ହୋଇ ପାରିଲେ ନାହିଁ
ଆନର ପଥରେ କାହିଁକି ରହିବି
କଣ୍ଟକର ରୂପ ନେଇ ।
ପର ହିତ ଯଦି କରି ନ ପାରୁଛି
ଭାବିବିନି କା'ର ହାନି
କାହାକୁ ନିଜର କରି ନପାରିଲେ
ପର କା'ରେ ମଣିବିନି ।
ପରଶଂସା ଯଦି କରି ନପାରିବି
ନିନ୍ଦା କା'ରେ ଦେବି କାହିଁ ।
ସୁଖର କାରଣ କାହାର ନ ହେଲେ
ଦୁଃଖ ଦେବିନି କାହାକୁ
ପୂଣ୍ଯକାମ ଯଦି ପାରିବିନି କରି
ଯିବିନି ପାପ ପାଖକୁ
କାହାକୁ ହସାଇ ନ ପାରିଲେ ନାହିଁ
ଲୁହ କା'ରେ ଦେବି ନାହିଁ ।
ମିତ୍ର ଯଦି କା'ରେ କରି ନ ପାରିଛି
ଶତୃଭାବ ରଖିବିନି
ସକଳଙ୍କୁ ପ୍ରେମେ ବାନ୍ଧି ନ ପାରିଲେ
ଘୃଣା କା'କୁ କରିବିନି
ସେବାରେ ସନ୍ତୁଷ୍ଟ ନ କରିଲେ ନାହିଁ
ନିରିଦୟ ହେବି ନାହିଁ ।