ଜୟ ପବନ ତନୟ

ଜୟ ଜୟ ହନୁମାନ ଜୟ ରାମ ଦୂତ l

ଅଦ୍ଭୁତକାର୍ଯ୍ୟ କରଣେ ସର୍ବଦା ସମର୍ଥ ll

ଅତୁଳିତ ବଳ ଧାମ ପ୍ରଭୁ ଆଞ୍ଜନେୟ l

ସୁରଙ୍ଗ ରଙ୍ଗ ଶରୀର ପିତା ଗନ୍ଧବହ ll

ପ୍ରଭୁନାମ ଧରି ବୀର ଲଙ୍ଘି ଘୋର ସିନ୍ଧୁ l

ସୀତା ଠାବକଲ ବିଭୀଷଣେ କଲ ବନ୍ଧୁ ll

ଜାନକୀଙ୍କୁ ଦେଇ ପ୍ରଭୁ ସୁବର୍ଣ୍ଣ ମୁଦ୍ରିକା l

ପୁଛ ବୈଶ୍ୱାନରେ ଜଳାଇଲ ସ୍ୱର୍ଣ୍ଣଲଙ୍କା ll

ଲଙ୍କାରେ ଅସୁର ମାନେ ପର୍ବତ ଆକାର l

ପରବତ ମାରି ଦୈତ୍ୟ ଶିର କଲ ଚୁର ll

ହରଷରେ ବରଦେଲେ ଶ୍ରୀଜାନକୀ ମାତା l

ବୋଲାଇଲ ଅଷ୍ଟ ସିଦ୍ଧି ନବ ନିଧି ଦାତା ll

ନିକୁମ୍ଭିଲା ଯଜ୍ଞ ଭାଙ୍ଗି ଇନ୍ଦ୍ରଜିତେ ମାରି l

ସଂହାରିଲ ଶ୍ରୀରାମଙ୍କ ଦୁର୍ଦ୍ଧର୍ଷ ବଇରୀ ll

ବଇରୀ ଗଞ୍ଜନ ସୁମରିଲେ ତୁମ୍ଭ ନାମ l

ସର୍ବ ବିଘ୍ନ ଦୂରେ ଥାଏ ମାରୁତି ନନ୍ଦନ ll

ଗନ୍ଧମାର୍ଦ୍ଦନ ଉତ୍ପାଟି ସଞ୍ଜିବନୀ ଆଣି l

ଜିଆଇଲ ଲକ୍ଷ୍ମଣଙ୍କୁ ନପାହୁଁ ରଜନୀ ll

ଚିରଞ୍ଜୀବି ବରଦେଲେ ପ୍ରଭୁ ରଘୁବୀର l

ଶ୍ରୀରାମନାମ ସହିତେ ତୁମ୍ଭେ ଅଜ୍ରାମର ll

ଜୟ ପବନ ତନୟ ଜୟ ଦେବ ନାହା l

ପାବନ ପଦେ ଶରଣ ଆହେ ବଜ୍ରବାହା ll