ଜୟ ମାଆ ବଙ୍କ ବାସୁଳୀ
ଜୟ ମାଆ ବଙ୍କ ବାସୁଳୀ


ଜୟତି ଜୟତି ମାଆ ତୁ ବଙ୍କବାସୁଳୀ l
ଅପର୍ଣ୍ଣା ପାର୍ବତୀ ତୁହି ପର୍ବତଦୁଲାଳୀ ll
ଭଦ୍ରକରେ ବାସକଲୁ ତୁହି ସ୍ଵୟଂସିଦ୍ଧା l
ବଙ୍କସାହି ନାମ ମାଆ ଅତିହିଁ ପ୍ରସିଦ୍ଧା ll
ପ୍ରତ୍ୟକ୍ଷ ବରଦାୟିନୀ ବୁଦ୍ଧି ସିଦ୍ଧିଦାତ୍ରୀ l
ପୀଠକୁ ଛୁଟିଆସନ୍ତି ଦୂରୁ ଦୂରୁ ଆର୍ତ୍ତ୍ରୀ ll
ସମସ୍ତଙ୍କ ଦୁଃଖ ମାତ ଶୁଣୁ କର୍ଣ୍ଣଡେରି l
ଶଙ୍କର ଘରଣୀ ତୁହି ଅମ୍ବିକା ଇଶ୍ଵରୀ ll
ଭଦ୍ରକର ଅଧିଷ୍ଠାତ୍ରୀ ମାଆ ଭଦ୍ରକାଳୀ l
ଅଶ୍ୱବାହନୀ ଅଟୁତୁ ମା'ବଙ୍କବାସୁଳୀ ll
ଅନ୍ଧକୁ ଲୋଚନ ଦେଉ ଦରିଦ୍ରକୁ ଧନ l
ବିଦ୍ୟାର୍ଥୀକୁ ବିଦ୍ୟା ଅପୁତ୍ରିକକୁ ନନ୍ଦନ ll
କରୁଣାସାଗରୀ ମାତଲୋ କରୁଣାମୟୀ l
କରୁଣାରୁ କଣ ମାତ୍ରେ ବିପତ୍ତି ପଳାଇ ll
ବିଦ୍ୟାର୍ଥେ ଦର୍ଶନ ମାତ କରୁଥିଲି ନିତି l
ବିଦ୍ୟାର ଭଣ୍ଡାର ପୂର୍ଣ୍ଣକଲୁ ଜଗଦ୍ଧାତ୍ରୀ ll
କରୁଣାକୁ ଆଶ୍ରା କରି, ରହିଛି ମୁଁ ମାଆ l
ଦୀନ ଅକିଞ୍ଚନେ ମାତ ରଖିଥିବୁ ଦୟା ll
କି ବର୍ଣ୍ଣିବି ମାତ ତୋର ମହିମା ଅପାର l
ଦୂରେଥାଇ କରୁଛି ମା' ଶତ ନମସ୍କାର ll