ଜୟ ମା'
ଜୟ ମା'
ଆହା କା ସୁନ୍ଦର ! ମଧୁର ମୂରତି ଦଶଭୂଜା ମାଆ ମୋର ,
ସଂହାର ରୂପରୁ ଝରିପଡୁଅଛି ଅମୀୟ ଆଶିଷ ଧାର,
ମାଆ ବିଶ୍ବ ଜନନୀ,
ଖଡ୍ଗ ଶୂଳ ଖର୍ପର ଧାରିଣୀ ମା' ।
ଖଣ୍ଡ କଳାମେଘ ତଳୁ କି ଚହଟି ଆସଇ ପୂର୍ଣ୍ଣ ଚନ୍ଦ୍ରମା !
ଝରି ଝରି ଯାଏ ଶୁଭ୍ର ଜ୍ୟୋସ୍ନା ଧାରା କିଏ ଦେବ ତା ଉପମା !!
ଚୁଆ ଚନ୍ଦନ ବାସ,
ଯାଏ ଚହଟି ସହସ୍ର କୋଶ ମା'। ।
ପାଶେ ରହିଛନ୍ତି ଲକ୍ଷ୍ମୀ ସରସ୍ଵତୀ ଗଣପତି କାର୍ତ୍ତିକେୟ,
ଅବତରିଛନ୍ତି ଧରାରେ ସକଳେ ଦେବାପାଇଁ ବରାଭୟ,
ନାଶ କରି ଦୁଷ୍କୃତ,
ଦେବାପାଇଁ ଜଗତେ ସୁକୃତ ମା' ।
ତୁହି ମା'ଶକତି,ତୁହି ମା' ଭାରତୀ ଧନଲକ୍ଷ୍ମୀ ତୁ ଜନନୀ,
ଧାତ୍ରୀ ଜଗତର ତୁ ପୁଣି ସଂହାର ତୁହି ପ୍ରଭବ କାରିଣୀ,
ରକ୍ଷା କର ଅମ୍ବିକେ !
ଘୋର ବିକଳେ ଜଗତ ଡାକେ ମା'