ଜରି ଗୋଟାଳି

ସଭିଏଁ ସମାନ ଏ ଧରା ବୁକୁରେ 

କେହି ନୁହେଁ ଉଚ୍ଚ ନୀଚ 

ଜରି ଗୋଟାଳି ଟେ ପରିଶ୍ରମ କରି 

ପରିବେଶ କରେ ସ୍ୱଚ୍ଛ 

ଭାବନାକୁ କର ଉଚ୍ଚ 

ମନ ମଲାଟରେ ଆଙ୍କିଦିଅ ଥରେ 

ସେନେହର ଚିତ୍ର ଗୁଚ୍ଛ ।

ଏଣେତେଣେ କେତେ ଜରି ପଲିଥିନ 

ପରିବେଶ କରେ ନଷ୍ଟ 

ସେ ଜରିକୁ ପୁଣି ଗାଈ ଯଦି ଖାଏ 

ପାଏ ସେହୁ ବହୁ କଷ୍ଟ 

ପଲିଥିନ ଯେ ଅନିଷ୍ଟ 

ଜରି ଗୋଟାଳିଟେ ତାହାକୁ ଗୋଟେଇ 

ହସାଏ ପୃଥିବୀ ପୃଷ୍ଠ ।

ଘୃଣା କର ନାହିଁ ଜରି ଗୋଟାଳିକୁ 

ସିଏ ବି ଗୋଟେ ମଣିଷ 

ଜରି ଏଣେତେଣେ ଫୋପାଡ଼ଇ ଯିଏ 

ତାହାରି ହିଁ ସବୁ ଦୋଷ 

ହସିବ ଏ ପରିବେଶ 

ସର୍ବେ ମିଶିକରି ଜରି ଗୋଟାଇବା 

ରଖିବାନି ତାର ଲେଶ ।