ଜନ୍ମଦିନ

ବୟସ ଖାତାରେ ଅନୁଭୂତି ଭରା 

ବର୍ଷକର ଉପସ୍ଥାନ 

ଶୁଭେଚ୍ଛାର ପର୍ବ ଜନ ମୁଖେ ସିଏ 

ଅଟେ ପରା ଜନ୍ମଦିନ 

କେତେ ସାଇତା ସପନ 

ସତ କରିବାକୁ ଗୁରୁଜନ ମାନେ 

କରନ୍ତି ପୁଣି କଲ୍ୟାଣ।

କର୍ତ୍ତବ୍ୟ ପଥରେ ଗୋଟିଏ ପାହାଚ 

ଉପରକୁ ଯାଉ ଚଢି 

ବିଗତ ଦିନର ଅଭିଜ୍ଞତା ନେଇ 

ଆଗକୁ ଆଗକୁ ବଢ଼ି 

ସମ୍ପର୍କକୁ ଦିଏ ଯୋଡି 

ଶୁଭ କାମନାର ବାରତା ନେଇଣ 

ଛୁଟଇ ବନ୍ଧୁଙ୍କ ଧାଡି ।

ଜନ୍ମଦିନ ହେବ ଚିର ସ୍ମରଣୀୟ 

ବିଶ୍ୱ କଲେ ପରିବାର 

କର୍ମଯୋଗୀ ସିନା ଏହି ସଂସାରରେ 

ଅଟଇ ଚିର ଅମର 

ଏଇ ସାଧନାର ସ୍ବର 

ଜନ୍ମଦିନ ଆମ ଆଙ୍କି ଦେଇ ଯାଏ

ଜୀବନେ ଅଲିଭା ଗାର ।