ଜୀବନର ନଦୀ ତୀରେ

ଜୀବନର ନଦୀ ତୀରେ

ସକାଳରୁ ସଞ୍ଜ ଯାଏ l

କେବେ ନଦୀର କୂଳରେ

ପୁଣି ବାଲି ଗାଲିଚାରେ ll 

ଚାଲିବାକୁ ହୁଏ

ଜୀବନର ନଦୀ ତୀରେ...

କେବେ ଆନନ୍ଦ ମନରେ

ସୁଲୁ ସୁଲୁ ପବନରେ l

କେବେ ଝାଞ୍ଜିର ଖରାରେ

ଡହ ଡହ ସେ ବାଲିରେ ll

ଚାଲିବାକୁ ହୁଏ

ଜୀବନର ନଦୀ ତୀରେ...

ବାଲି ମୁଠା ସେତ ବନ୍ଧୁ 

ଝରେ ହାତୁ ପ୍ରତି କ୍ଷଣେ l

କହେ ବାଲି ତୁନି କାନେ

ସରେ ଆୟୁ କ୍ଷଣେ କ୍ଷଣେ ll

ନାଚିଯା ତୁ ଏବେ ହସି 

ମୋହରି ରେଣୁ ବକ୍ଷରେ l

କାଲିକୁ କିଏ ଦେଖିଛି

ଏବେ ନାଚଯା ଝୁମିରେ ll 

ଚାଲିବାକୁ ହୁଏ

ଜୀବନର ନଦୀତୀରେ...

ଦେଖ ଥରେ ମୋତେ ତୁହି

ସ୍ଥିର ତୋହରି ଚିତରେ l

କେତେ ଜୀବ ଜନ୍ତୁ ଛନ୍ତି

ପୁଅ ମୋହରି ଗର୍ଭରେ ll

ଚାଲିବାକୁ ହୁଏ

ଜୀବନର ନଦୀ ତୀରେ...