ଜୀବନ
ଜୀବନ
1 min
199
ଏପାଖେ ଏନ୍ତୁଡ଼ି ସେପାଖେ ଜଳାଇ ଜୁଇ
ମଝିରେ ଖେଳେ ଜୀବନ ମାୟା ସାଥେ ନେଇ
କେବେ ପୁଷ୍ପେ ସଜ୍ଜିତ ପଥ ଏଠି ମିଳଇ
ପୁଣି କେବେ କଣ୍ଟାକିତ ପଥ ଦିଶୁଥାଇ।
ମରୁଭୂମି ମରିଚିକା ସମ ଦୃଶ୍ୟମାନ
ପ୍ରାଣରେ ଭରି ଦିଅଇ ମଧୁର ସ୍ପନ୍ଦନ
କେବେ ସଂଚରିତ କରି ଜଡରେ ଚେତନ
ଆନନ୍ଦରେ କରିଦିଏ ସଭିଙ୍କୁ ତଲ୍ଲୀନ।
କିଛି କଥା କିଛି ବ୍ୟଥା ମାନ ଅଭିମାନ
କିଛି ସୁଖ କିଛି ଦୁଃଖରେ ଭରା ସପନ
ଏସବୁ ବିନା ଲାଗେ ସଂସାର ମୂଲ୍ୟହୀନ
କଷ୍ଟ ହୁଅଇ ବଞ୍ଚିବା ହୋଇ ରୁଚିହୀନ।
ଜୀବନ ଅଟଇ ଯେ ଛନ୍ଦବଦ୍ଧ କବିତା
ଭରିଛି ତା' ମଧ୍ୟେ ଅସରନ୍ତି ଅଭିଜ୍ଞତା।