ଜୟ ମା' ହିଙ୍ଗୁଳା
ଜୟ ମା' ହିଙ୍ଗୁଳା
ଜୟ ମାଆ ହିଙ୍ଗୁଳା
କବିଶ୍ରୀ ଅକ୍ଷୟ କୁମାର ବେହେରା
ବ୍ରହ୍ମାଗ୍ନି ରୂପିଣୀ ଭଗବତୀ ମାତା
କଲ୍ୟାଣମୟୀ ହିଙ୍ଗୁଳା,
ବଡ ପୂଜା ପାଇଁ ମାଆଙ୍କର ପୀଠେ
ଲାଗଇ ବିରାଟ ମେଳା ।
ଆସନ୍ତି ଭକତ କେତେ ଆଡୁ ସବୁ
ଦର୍ଶନେ ମା'ଙ୍କ ନିକଟ,
ମୟୂରଭଞ୍ଜର ବଡସାହି ଠାରୁ
ବେଶି ନୁହେଁ ଅଳ୍ପ ବାଟ ।
ସୁହାଗପୁର ଗ୍ରାମ ଶାଳ ବନରେ
ରହିଛି ମାଆଙ୍କ ପୀଠ,
ମା' ହିଙ୍ଗୁଳା ନାମେ ସାରା ଅଞ୍ଚଳରେ
ହେଉଛି ନାମ ବିଖ୍ୟାତ ।
ପ୍ରତ୍ୟେକ ବରଷ ଅଗ୍ନ୍ୟୁତ୍ସବ ପରେ
ମଙ୍ଗଳ, କି ଶନିବାର
ମାଆଙ୍କର ବଡପୂଜା ହୋଇଥାଏ
ରହିଛି ଏହି ବିଚାର ।
ଭକ୍ତଙ୍କର ଆଶା ପୂରଣ କରନ୍ତି
ଡୋରି ବାନ୍ଧି ମନାସିଲେ,
ଦୁଃଖ ଦୂରହୁଏ ଅଗ୍ନି ଭୟ ଯାଏ
ଦିନ ବିତେ ଅତି ଭଲେ ।
ମାନସିକ ପୂଜା ସାମଗ୍ରୀ ଦିଅନ୍ତି
ଅଗନି ଉତ୍ସର କୁଣ୍ଡେ,
ସବୁଠୁ ଅମୃତ ମାଆଙ୍କ ପ୍ରସାଦ
ବାଜିଲେ ଭକତ ତୁଣ୍ଡେ ।
ଯାହା ଜାଣିଥିଲି ସକ୍ଷେପେ ବର୍ଣିଲି
ଦୋଷ ଧରିବନି ମୋର,
ମାଆଙ୍କ ପୟରେ ଅଧମ ଅକ୍ଷୟ
କରଇ କୋଟି ଜୁହାର ।
କେନ୍ଦୁଡିହା ବଡସାହି ମୟୂରଭଞ୍ଜ
ଭ୍ରାମ୍ୟଭାଷ:-୯୩୪୮୮୧୯୯୧୭