Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Ajit Kumar Raut

Inspirational

4  

Ajit Kumar Raut

Inspirational

ଜୀବନ ଯାତ୍ରା

ଜୀବନ ଯାତ୍ରା

1 min
171



ଜୀବନ ଦେଇଛ    ଜ୍ଞାନ ଦେଲ ନାହିଁ

     କି ହୋଇବ ମୋର କାଲି,

ଜୀବନ ଯାତ୍ରାର    ଅପୂର୍ବ ସନ୍ଦେଶେ

     କି ଘଟିବ ମୋର କାଲି।


କାଲି ମୁହିଁ ପ୍ରାଣେ    ରହିବିକି ନାହିଁ

    ସେ ଜ୍ଞାନ ତ ଦେଲ ନାହିଁ

କରୋନା ପ୍ରକୋପ    ଅତି ହିଁ ଘାତକ

    ନୂଆ କଥା ଶୁଣେ ମୁହିଁ।


କୁଟୁମ୍ବ ମରନ୍ତି      ବନ୍ଧୁ ମରୁଛନ୍ତି

    ଅସମୟେ ଯାଏ ପ୍ରାଣ

ଯୁଧିଷ୍ଠି ସାମଲ     ତିନି ଝିଅ ଛାଡି

    ସ୍ବର୍ଗ ଲୋକେ ଗଲା ଜାଣ।


ହେମନ୍ତ ସ୍ବାହିଁ ସେ    ସରକାରୀ ଶିକ୍ଷକ

    ସମ୍ମାନିତ ବ୍ୟକ୍ତି ଜାଣ

ଦୁଇଟି ସନ୍ତାନ     ପତ୍ନୀ ଛାଡି ଏଠୁ

    ଚାଲି ଗଲେ ତ ଚରଣ।


କରୋନାର ରୋଗ    ଭୟଭୀତ କରେ

    କେବଳ ଭରସା ତୁହି

ତହ ବିନୁ ଗତି      ନାହିଁ ଟି କାହାର

    ଲୀଳା ଦେଖୁ ଥାଉ ତୁହି।


ସବୁ ଦେଇ ଅଛୁ     ଜ୍ଞାନ ଦେଲୁ ନାହିଁ

    ଛାଡି ଅଛୁ କର୍ମ ପଥେ

କର୍ମ କରୁ ଅଛି      ନିସ୍ବାର୍ଥ ସେବାରେ

    ରହି ଅଛି ଧର୍ମ ପଥେ।


ସତ୍ୟମାର୍ଗ ସଦା     ରଖିଛି ଜୀବନେ

    ହଟି ନାହିଁ ତିଳେ ତହୁଁ

ତୋହରି ଚରଣେ     ଭକ୍ତି ରଖି ଅଛି

    ଛାଡି ନାହିଁ ତିଳେ ତହୁଁ।


ସବୁ କଥା ତୁହି     ଜାଣୁରେ କାଳିଆ

    ନ ଜାଣନ୍ତି ଆଉ କେହି

ସବୁ ଲେଖି ଅଛୁ     ସମସ୍ତ ଭାଗ୍ୟରେ

    ନ ବୁଝନ୍ତି ଆଉ କେହି।


କପାଳ ଲିଖନ      ନ ହୋଇବ ଆନ

    ତୋହରି ଲିଖନ ସେହି

କେଉଁ ଭକ୍ତି କଲେ    ସେ ଜ୍ଞାନ ପାଇବି

     ଯୋଡି ଦିଅ ହୄଦେ ସେହି।।




Rate this content
Log in