ଜୀବନ ତୁମ ବିନା ମଧ୍ୟ ଚାଲଇ
ଜୀବନ ତୁମ ବିନା ମଧ୍ୟ ଚାଲଇ
ଜୀବନେ ମିଳନ୍ତି କିଛି ଲୋକ ସତରେ
ଠିକ୍ ଅଦିନିଆ ମେଘ ପରି
ବର୍ଷେଇ ଦିଅନ୍ତି ସ୍ନେହର ଯେ ସମ୍ଭାର
ବର୍ଷାର ପ୍ରତ୍ୟେକ ବୁନ୍ଦା ପରି
ହେଲେ କେଜାଣି ଭିଜେ ନାହିଁ ମନ ମୋର
କାରଣ ମରୀଚିକା ଅଟେ ସେହି
ଖାଲି ଜଳ ସମ ଦିଶେ ସତେଜ ପ୍ରଖର
କିନ୍ତୁ ଜଳହିଁ ସେଠାରେ ନଥାଇ
ତାଙ୍କର ଏହି ମରୀଚିକା ସମ ପ୍ରେମ
ଖାଲି ସାର୍ବଜନେ ଦିଶୁଥାଇ
କିନ୍ତୁ ପ୍ରେମର ପ୍ରକୃତ ସ୍ପନ୍ଦନ ମିଳେନି
ଫମ୍ପା ମାଠିଆ ସମ ଶବ୍ଦ କରୁଥାଇ
ପ୍ରେମର ଆବିଳତା ଯେ ସଂପୂର୍ଣ୍ଣ ସିଦ୍ଧ
ଦରକାର ନଥାଏ ମୁଖା ମୁହଁରେ
କିନ୍ତୁ ବହୁ ରୂପୀ ଏଣ୍ଡୁଅ ସମ ମରୀଚିକା
ଚାହୁଁଥାଏ ତୁମ ଜୀବନ ମାନ ଦଣ୍ଡରେ
ଡିଣ୍ଡିମ ବଜେଇ ହୁଏନାହିଁ ପ୍ରେମ ସ୍ନେହ
ଯଦି ହୃଦରେ ଆବେଗ ନାହିଁ
କରନାହିଁ ମିଛ ଅଭିନୟ ଶ୍ରଦ୍ଧା,ସ୍ପନ୍ଦନର
ଜୀବନ ତୁମ ବିନା ମଧ୍ୟ ଚାଲଇ
ସମାପ୍ତ