ଜୀବନ ମନ୍ତ୍ର
ଜୀବନ ମନ୍ତ୍ର
ଜୀବନର ମଜା ପାଇବ ସେ କାହୁଁ
ଜୀବନ ଯୁଦ୍ଧରେ ଲଢିନି ଯିଏ
ଭୋକରେ ନରହି ଖାଦ୍ୟର ସୁଆଦ
କହ କେବେହେଲେ ପାଇଛି କିଏ?
ତପତ ଝାଞ୍ଜିରେ ଦେହ ନ ସିଝେଇ
ଛାଇର ସୁଖ କେ ପାଇଛି କୁହ?
ମନଖୋଲା ହସ ହସିପାରେ କିଏ
ଆଖିରୁ ନ ଢାଳି ଟୋପାଏ ଲୁହ?
ଜୀବନ ଗଣିତ ସେ କାହୁଁ ବୁଝିବ
ମନ ସାଥେ ମନ ନ ଯୋଡେ ଯିଏ
ପରାଣ ଦରଜ ବୁଝେନାହିଁ ଯିଏ
କେମିତି ରହିବ ସୁଖରେ ସିଏ।
ଆନ ଦୁଃଖେ ଯିଏ ନ ଢାଳେ ଲୋତକ
ମହୀରେ ରହିକି ତାର କି ଲାଭ
ପଶୁଠାରୁ ହୀନ ତାହାର ଜୀବନ
ଯା ମନେ ନଥାଏ ସେନେହ ଭାବ।