ଜହ୍ନ ରାତି
ଜହ୍ନ ରାତି
1 min
672
ପୂରୁବେ ପୂନେଇଁ ଜହ୍ନ ଆସେ ଉଇଁ
ରାତିଟା ଲାଗୁଚି ନୂଆ
ଜୋଛନାରେ ଭିଜେ ତୋ ପାଇଁ ସାଥୀ
ହାତେ ଲେଖିଛି ତୋ'ନାଆଁ ।
ବଉଳ ଫୁଲର ବାସ ଚହଟୁଛି
କାକର ବୁନ୍ଦାରେ ମୁକୁତା ହସୁଚି
ଅଭିଆଡୀ ମନ
ଚୋରି କରେ ଜହ୍ନ
ମନ ତଳେ ଜାଳେ ନିଆଁ ।
ଆଖି ଯାଏ ଲାଖି ଜହ୍ନ ଦେଖି ଦେଖି
ରୂପେଲି ଜୋଛନା ମୁହଁରେ ମୋ ମାଖି
ରୂପାର ସବାରୀ
ଜହ୍ନ ଆସେ ଧରି
ଦେଖି ମନ ଆମାନିଆଁ ।
ଆ'ଜହ୍ନ ମୋର ନେଇ ଯା' ମନ
ମନ ତଳେ ଯେତେ ସାଇତା ସପନ
ଝୁମି ତୋ ବାହୁରେ
କହିବି କାନରେ
ମିଳୁ ସାଥୀ ଏମିତିଆ ।