ଜଗନ୍ନାଥ
ଜଗନ୍ନାଥ
1 min
7.1K
ଶ୍ରୀ ଲକ୍ଷ୍ମଣ କୁମାର ବେହେରା (ଯତି)
ମୋତେ ଭବ ସାଗରରେ ଠେଲି ଦେଇ
ତୁ ବଡ ଦେଉଳରେ ଭୋଗ କଲୁ,
ମନେ ମନେ ସାତପର ଭାବି
ମୋତେ ସବୁଦିନ ପାଇଁ ଭୁଲିଗଲୁ । ( ସ୍ଥାୟୀ )
ଫୁଲକୁ ଛୁଇଁଲି
ସେ ମଉଳି ଗଲା,
ଜହ୍ନକୁ ଦେଖିଲି
ସେ ମନ ମାରିଲା ।
ହସି ଦେଇ ପଦେ କଥା କହିଲି ବୋଲି
ତୁ ରାଗିଗଲୁ । ( ଅନ୍ତରା )
ନଦୀକୁ କହିଲି
ସେ ଫୁଲେଇ ହେଲା,
ଖରାକୁ କହିଲି
ସେ ବଦଳି ଗଲା ।
ଓଠ ଖୋଲି ପଦେ କଥା କହିଲି ବୋଲି
ତୁ ଦୁଃଖ ଦେଲୁ । ( ଅନ୍ତରା )
ମେଘକୁ କହିଲି
ସେ ଭାଙ୍ଗି ପଡିଲା,
ବାଟକୁ ଦେଖିଲି
ସେ ମୁହଁ ମୋଡିଲା ।
ମନ ଦେଇ ତତେ ଭଲ ପାଇଲି ବୋଲି
ତୁ ଘୃଣା କଲୁ । ( ଅନ୍ତରା )
କବି କୁଟୀର
ଦଣ୍ଡାସିଂହା, ବାରକୋଟ
ଦେବଗଡ (ଓଡିଶା)
ମୋ-୦୯୬୬୮୨୪୨୭୨୦