ହୁଗୁଳା ସମ୍ପର୍କ

ରାଗ ଅଭିମାନ ମନରେ ବୋଳି

      କଥା କଥାକେ ଝଗଡ଼ା କଳି

କଥା ଆରମ୍ଭିଲେ ହୁଏ ଯୁକ୍ତିତର୍କ

      ପ୍ରଶ୍ନବାଚୀରେ ଆମ ହୁଗୁଳା ସମ୍ପର୍କ ।

ପ୍ରେମରେ ଉବୁଟୁବୁ ହେଉଥିଲୁ ଦୁହେଁ

      ଏବେ କାହା ମୁ‌ହଁ କେହି ନ ଚାହେଁ

ଅଟଳ ଆମେ ନିଜ ନିଜ ଜିଦ୍ ରେ

      ବିଶ୍ଳେଷଣ କରୁ ପରସ୍ପରକୁ ପ୍ରତି କଥାରେ ।

ପରିବାର ଜନ ବୁଝାଇ ଥକିଲେ

       କାହା କଥାର ହେଲା ନାହିଁ ଅସର

ଦୋଷାରୋପ ସହ ରାଗରୁଷା

       ଘଟଣା ହୋଇଲା ନିତିଦିନର ।

ସଭିଙ୍କ ଆଖିରେ ଧରା ପଡୁଥାଏ

       ଆମ ଦୁହିଁଙ୍କ ହୁଗୁଳା ସମ୍ପର୍କ 

ସଂସାର ଆରମ୍ଭ ହେବା ଆଗରୁ

       ଜୀବନ ହୋଇଲା ଆମ ନରକ ।

ଯଦି କୌଣସି ସମ୍ପର୍କରେ

       ପଡ଼ିଯାଏ ଥରେ ସନ୍ଦେହର ଫାଟ

ସମସ୍ତ ବନ୍ଧନ ହୁଏ ଆଲୋଡିତ

       ସୃଷ୍ଟି କରେ ସଭିଙ୍କ ମଧ୍ୟେ ବିଭ୍ରାଟ ।

ସମ୍ପର୍କ ହୁଗୁଳା ପଡିଲେ

       ହୃଦୟରେ ଭରେ କଷ୍ଟ ଓ ଯନ୍ତ୍ରଣା

ମନେ ଲାଗେ ଶକ୍ତ ଆଘାତ 

      ପ୍ରତି ସମ୍ପର୍କରେ ମନେ ଆସେ ଘୃଣା ।