ହସ
ହସ
ହସ ଅଟେ ସିନା ଟିକି ଢେଉ ଟିଏ
ଜୀବନର ପାରାବାରେ
ସବୁରି ଓଠରେ ରହିଥିଲେ ସଦା
ଦିଧ୍ୱାରେ ଅମୃତ ଝରେ।
ଧନ ଲୋଡା ନାହିଁ ମନ ଲୋଡା ଏଠି
ଅଧରେ ମୁରୁକି ହସ
ଦୁଃଖର ଲାଘବ ସୁଖର ଆବେଗ
ସଭିଏଁ ହୋଇବେ ବସ।
ହସରେ ରହିଛି ସଂକ୍ରମଣ ଗୁଣ
ଅନ୍ୟକୁ ସେ ଛୁଇଁ ଯାଏ
ଆପଣା ହେଉକି ପର ହେଉଥାଉ
ତା ପାଖକୁ ଟାଣି ନିଏ।
ସୁନ୍ଦର ଲାଗିବ ହସ ପାଇଁ ବିଶ୍ଵ
ସୁସ୍ଥ ହେବ ପୁଣି ଦେହ ମନ
ହସ ଅଟେ ଜାଣ ସତରେ ଅମୃତ
ଶରୀର କୁ କରେ ଟାଣ।
ହସ କୁ ଆପଣା କରି ଦେଇ ଆମେ
ସବୁ କଥା ଆମେ ଯିବା ଭୁଲି
ହସୁ ଥିବ ମନ ହସିବ ହୃଦୟ
ରୋଗ ଯିବ ତାର ବାଟ ଭୁଲି ।