ହେ ଫଗୁଣତୁମେ ଆସିଗଲା ପରେ

ହେ ଫଗୁଣ ତୁମେ    ଆସିଗଲାପରେ

     ପ୍ରିୟା ହସେ ଖିଲି ଖିଲି

ବଉଳ ବାସରେ   ବାସେ ଚତୁର୍ଦ୍ଦିଗ

    ମଳୟ ଆସିଛି ବୁଲି|| 

ମଳୟ ପବନ   ବହେ ଥିରି ଥିରି

    ଆମ୍ରକୁଞ୍ଜରେ କୋଇଲି 

ଆନନ୍ଦେ ବସନ୍ତ    ସ୍ବାଗତ ସଙ୍ଗୀତ

    ଗାଉଛି ହୃଦୟ ଖୋଲି ||

ଆସିଯିବ ଯେବେ   କୃଷ୍ଣ ଚଦୁର୍ଦ୍ଦଶୀ

    ରାତ୍ରୀ ସାରା ଉଜାଗର

ଶିବ ଶଙ୍କରଙ୍କୁ   ଦୀପଟିଏ ଜାଳି

     ଶୁଭ ମନାସିବ ମୋର||

ଆଣିବ ସାଙ୍ଗରେ   ସବୁ ବର୍ଷ ପରି

    ନାନା ରଙ୍ଗର ଅବିର

ମ

Advertisement

ୋ ପ୍ରିୟାର ଦେହେ   ବୋଳି ଦେବି ମୁହିଁ

     ହଟାଇ କରୋନା ଡର ||

ହେ ଫଗୁଣ ତୁମେ  ସାଥେ ଆଣିଥିବ

      ମୋ ପାଇଁ ଫଗୁ ଅବିର

ମୋ ପ୍ରିୟାର ଗାଲେ   ବୋଳିଦେଇ ସିକ୍ତ

      କରିବି ହୃଦୟ ତାର||

ହେ ଫଗୁଣ ତୁମେ    ସାଥେ ଆଣିଥିବ

      ରାଧାକୃଷ୍ଣଙ୍କ ମେଲଣ

ଆନନ୍ଦ ଲଭିବି     ଭସାଇ ନିଜକୁ

    ବିଭୁ ପ୍ରେମ ସ୍ରୋତେ ପୁଣ||

ହେ ଫଗୁଣ ତୁମେ  ଚାଲିଯିବ ଆଣି

     ଚଇତର ଚଇତାଳି

ମାଆ ମଙ୍ଗଳାଙ୍କ   ଆଶିଷ ବରଷା

    ଆମପରେ ଦେବ ଢାଳି ||