ହେ ମୋର କାଳିଆ ଠାକୁର

ଶୁଭ ସକାଳର ଶାନ୍ତ ଆକାଶରେ 

ପକ୍ଷୀ କାକଳିର ନିନାଦିତ ସ୍ୱରେ 

ପୁରିଉଠେ ଶୋଭା ବିମଣ୍ଡିତ ସୌନ୍ଦର୍ଯ୍ୟରେ 

ପ୍ରକୃତି ରାଣୀର 

ଲୀଳା ଖେଳରେ 

ମୋର ଆପଣାର କାଳିଆ ଠାକୁର 

ଦୁଃଖିନୀର ଅନ୍ନଦାତ୍ରା 

ମୋ କାଳିଆ ଠାକୁର 

ଜଗତର ନାଥ ତୁମେ ଆହେ ଜଗନ୍ନାଥ 

ସମସ୍ତଙ୍କୁ ଆପଣାର କରି 

ନିଜେ ହୁଅ ଅନାଥ 

ଦୁଖୀ ରଙ୍କି କରତୁମେ 

ଅନ୍ଧରଲଉଡ଼ି 

ଅନ୍ଧର ଦୁଇ ହସ୍ତର ଅଟ ଆଶା ବାଡ଼ି 

ମୋହ ମାୟା ଭରା ସଂସାରେ ଏଠି 

କେହି ନୁହେଁ କାହାର 

ତୁମେ ଅଟ ଜଗତର 

ପୃଥିବୀର ସୃଷ୍ଟି ସମ୍ଭାର 

କାହିଁ କେଉଁ ବରଷରୁ 

ଲୀଳା ଖେଳା ଆରମ୍ଭ ତୁମର 

ଜୀବ ଜଗତର ସୁଖ ପାଇଁ 

ସମସ୍ତ ଦ୍ରବ୍ୟ ଅର୍ପଣ କର 

ଧରିତ୍ରୀ ମାତାର ଧରା ବକ୍ଷରେ 

ଦୁବ ଠାରୁ ବଟ ଦ୍ରୁମ ସାଇତିଛ 

ସବୁ ଅସମ୍ଭବକୁ ସମ୍ଭବ କରିଛ 

ଜୀବ ଜଗତର ତୁମେ ହିତ ସାଧିଛ।