ହେ ଜଗତ ଈଶ୍ବର

ହେ ପରମେଶ୍ବର ହେ ଜଗତେଶ୍ବର

    ନୀଳାଚଳ ଅଧିଶ୍ଵର

ହେନିଳାମୟ ହେ ଜଗତ ଈଶ୍ଵର

    ପ୍ରଣିପାତ ତୋ ପୟର ।

ତୋହରି ସେ,ସ୍କୃତି ତୋହରି ସାହିତ୍ୟ

    ଯେତେ ଅଛି ପରମ୍ପରା

ପୂଜା ପାରବଣ ତୁମରି ଭିଆଣ

    ପାଳୁଛନ୍ତି ସଶାଗରା ।

ତୁମ୍ଭରି ନାମରେ ନୀତି ପୂଜାଵିଧି

    କରୁଥାନ୍ତି ନୀତି ପ୍ରତି

ଭକ୍ତ ଭଗବାନ ଏକତ୍ରି କରଣ

    ଦୃଢ କରିଥାଏ ମତି ।

ତୋହରିବିଧିରେ ଏକରୁ ଅନେକ  

   ମନହୋଇ ଯାଏ ଯୋଡି

ଵେଦ ପୁରାଣର ଗାଥା ଗାଇ ଯାଏ

    ମନପଵନର ପେଡି ।

ତୋର ସୁଦୟାରେ ଓଡ଼ିଆ ହୃଦୟେ

    ଶାଶ୍ଵତର ପ୍ରେମ ଭରେ

ମୈତ୍ରୀର ମନ୍ତ୍ର ଗାଏ ଏ ଓଡ଼ିଆ

   ତୋହରିକୃପା ଦୟାରେ ।