🎂🎂🎂ହେ ଜଗନ୍ନାଥ🎂🎂🎂

ଜୀବନର ରେଖା ତୁହିରେ କାଳିଆ

ଜନ୍ମ ମୄତ୍ୟୁ କର୍ତ୍ତା ତୁହି,

ଯାହା ଲେଖି ଅଛୁ କପାଳରେ ମୋର

ଭୋଗୁଥିବି ମୁହିଁ ସେହି।୧।

ଯାହା ବି ଲେଖିଛୁ ଭଲ ହିଁ ଲେଖିଛୁ

ମନେ ମୋର ଦୁଃଖ ନାହିଁ,

ଏତିକି ଗୁହାରି କରୁ ଅଛି ନାଥ

କରୁଥିବି ଭକ୍ତି ମୁହିଁ।୨।

ତୋହରି ଚରଣେ ଜୀବନ ଅର୍ପଣ

କରି ଦେଇ ଅଛି ମୁହିଁ,

ତବ ବିନା ମୋର ଆଶା ନାହିଁ କାରେ

ପ୍ରାଣଟି ରହିଛି ତହିଁ।୩।

ଏତିକି ମାଗୁଣି କରୁଅଛି ପ୍ରଭୁ

ସତ୍ୟ ବାଟ ଯୋଡି ଦିଅ,

ନିଃସ୍ୱାର୍ଥ ମାର୍ଗରେ କର୍ମିକ କରିଣ

ଧର୍ମ ବାଟ ଯୋଡି ଦିଅ।୪।

ଜଗନ୍ନାଥ ନାମ ଉଦଘୋଷ ହେଉ

ମନ ପ୍ରାଣ ମଧ୍ୟେ ମୋର,

ସବୁ ବେଳେ ପ୍ରଭୁ ତୋ ପଦ ଚିନ୍ତିବି

ଅନୁଗ୍ରହ ମତେ କର।୫।

ଜୀବନର ରେଖା ତୁହିରେ କାଳିଆ

ଜନ୍ମ ମୄତ୍ୟୁ କର୍ତ୍ତା ତୁହି,

ଯାହା ଲେଖି ଅଛୁ କପାଳରେ ମୋର

ଭୋଗୁ ଥିବି ମୁହିଁ ସେହି।୬।