ହେ ଗୁରୁ..

ଶରଣ ପଞ୍ଜର    ତୁମେ ନିରାକାର

    ଆଶା ଆଲୋକ ମହୀତଳେ l

ଆହେ ସଦଗୁରୁ     ତୁମେ ଜଗତଗୁରୁ

    ଦିଅହେ ଶରଣ ଚରଣ ତଳେ l l 

ତୁମ୍ଭେ ଅଟ ନାଥ     ଜ୍ଞାନର ପ୍ରତୀକ

     ଅଜ୍ଞାନ ତିମିରେ ଶୁଭ୍ର ଜ୍ୟୋତି l

ତୁମେ ପିତା ମାତା     ସଖା ସହୋଦର

    ପଦ୍ମପାଦେ ରହୁସଦା ମୋର ମତି l l

ଅତି ଲୋଭନୀୟ      ତୁମ ରୂପକାନ୍ତି

    ଅବଲୋକନେ ମନୁ ତୁଟେ ଭ୍ରାନ୍ତି l

କରୁଣା   ଆଶିଷେ    ଭବ ତରଙ୍ଗିଣି

  ପାର ହୋଇ ଅବା ଲଭିବି ମୁଁ ଶାନ୍ତି l l

ମୁଁ ଛାର ପାମର   ମୋ ପ୍ରାଣ ଠାକୁର

    ଦୟାର ସାଗର ଆଶ ପ୍ରକାଶି l l

ତୁମ ଆଗମନେ   ହସୁ ଉଠୁ   ଧରା

    ବିରାଜ ପାପୀ ଙ୍କ ପାପ ଧ୍ବଂସି l l

ଅଗତିର  ଗତି    ମୁକ୍ତି ପଥେ ସାଥୀ

  ଅନ୍ଧରଲଉଡ଼ି ହେ ଗୁରୁ ଗୋବିନ୍ଦ l

ଝରୁଥାଉ ସଦା    ଶ୍ରଦ୍ଧା ର ଧାରା

  ପାନ କରି ଧନ୍ୟ ସେ ମକରନ୍ଦ l l

ଆହେ ଦୟାନିଧି    ବାଞ୍ଛା କଳ୍ପତରୁ

  ଏତିକି ସୁଦୟା ମୋହ ଠାରେ ଥିବ l

ଶେଷ କାଳେ ଗୁରୁ    ହାତ ଧରି ମୋର

   ନିତ୍ୟ ପଥେ ଅବା ଟାଣି ନେବ l l