ହେ ଗାନ୍ଧୀ
ହେ ଗାନ୍ଧୀ
ହେ ଗାନ୍ଧୀ ହେ ଗାନ୍ଧୀ
ମନରେ ରହିଛ ଛନ୍ଦି ।
ତୁମ ଦରଶନ ତୁମରି ବାଣୀ
ଅହିଂସା ସତ୍ୟର ସନ୍ଧି ।।
ହେ ଗାନ୍ଧୀ ହେ ଗାନ୍ଧୀ
ଆମ ପାଇଁ ଥିଲ ବନ୍ଦୀ ।
କେତେ ଯେ ଯାତନା କେତେ ଯେ କଷଣ
ସହିଛ ଆମରି ପାଇଁ ।।
ମନରେ ନ ରଖି ତିଳେ ହେଁ କପଟ
ଝୁରୁଛି ଭାରତ ଭୁଇଁ
ଝୁରୁଛି ଭାରତ ଭୁଇଁ ।।
କେତେ ଆନ୍ଦୋଳନ କେତେ ଯେ ସଂଗ୍ରାମ
କରିଛ ଆମରି ପାଇଁ ।
ଦେଶର କାମରେ ଦେଶର ସ୍ଵାର୍ଥରେ
ଲଢିଛ ଜୀବନ ଦେଇ ।।
ହେ ଗାନ୍ଧୀ ହେ ଗାନ୍ଧୀ
ମନରେ ରହିଛ ଛନ୍ଦି ।
ତୁମ ଦରଶନ ତୁମରି ବାଣୀ
ଅହିଂସା ସତ୍ୟର ସନ୍ଧି ।।
ହେ ପୁଣ୍ୟ ପୁରୁଷ ଝୁରୁଛି ଆଜି ମୁଁ
ଝୁରେ ଭାରତ ମାତା
ଆକୁଳେ ଡାକୁଛୁ ସଭିଏଁ ତମକୁ
ଶୁଣ ଜାତିର ପିତା ।
ହିଂସାର ସାଗରେ ବୁଡିଛି ସଂସାର
ସବୁ ଅସତ୍ୟର ଠାର ।
କୁଆଡେ ଗଲାଣି ନୀତି ଓ ଆଦର୍ଶ
ହେଲାଣି ପାଣିର ଗାର ।।
ଶୁଣହେ ବାପୁଜୀ ଶୁଣ ହେ ଗାନ୍ଧୀ
ମନରେ ରହିଛ ଛନ୍ଦି ।
ତୁମ ଦରଶନ ତୁମରି ବାଣୀ
ଅହିଂସା ସତ୍ୟର ସନ୍ଧି ॥