ଗୁରୁ ହୋଇଯିବା ଦିନେ

କାହାର ଅତୀତ ଦୁଃସମୟ ଆଉ ଦୁର୍ଯୋଗକୁ ଲକ୍ଷ୍ୟକରି,

କହି ପାରିବାନି ସେହି ମଣିଷଟି ରହିଯିବ ଦୁଃଖ ଧରି ।

ଅତୀତ ଶିଖାଏ ମଣିଷକୁ ପୁଣି ବଦଳାଇ ଦିଏ ଗତି,

ଜୀବନ ଆକାଶେ ସୁର୍ୟୋଦୟ ହେଲେ ପାହିଯାଏ ଅମାରାତି ।

ସଫଳତା ପାଇଁ କାମ କରୁଥିଲେ ଗୁରୁ ହୋଇଯିବା ଦିନେ,

ଆତ୍ମ-ସନ୍ତୋଷର ଉଦ୍ଦେଶ୍ୟ ରହିଲେ ହୋଇବା କୋଟିରେ ଜଣେ ।

ବିଶ୍ୱାସ ଭରସା ତ୍ୟାଗ ଭାବନା ହିଁ ସଂପର୍କକୁ ବାନ୍ଧିରଖେ,

ଦୂରେ କି ନିକଟେ ଯେଉଁଠି ଥିଲେ ବି ମନ ହିଁ ମନକୁ ଡାକେ ।

ପାଇବାକୁ ଯୋଗ୍ୟ ହେଉ ବା ନ ହେଉ ସଭିଙ୍କୁ ସମ୍ମାନ ଦେବା,

ଏହାଦ୍ୱାରା ଆମ ଚରିତ୍ର କିପରି ଗ୍ରହିତାଙ୍କୁ ଜଣାଇବା ।

ଯୁକ୍ତି-ତର୍କ ପାଇଁ ସତ୍ୟ-ତଥ୍ୟ ପୁଣି ପ୍ରମାଣ ତ ଲୋଡ଼ାହୁଏ,

ବେଳେବେଳେ ପୁଣି ଆମ ନୀରବତା ସବୁ ଓଲଟାଇ ଦିଏ ।

000