ଗୁରୁ ବନ୍ଦନା
ଗୁରୁ ବନ୍ଦନା
ଗୁରୁ ବ୍ରହ୍ମା, ଗୁରୁ ବିଷ୍ଣୁ, ଗୁରୁ ମହେଶ୍ୱର l
ଗୁରୁ ଅଟନ୍ତି ଏ ଭବେ ସାକ୍ଷାତ ଈଶ୍ୱର ll
ସଂସାର ବାରିଧି ଗୁରୁ ଶ୍ରୀପଦ ନଉକା l
ଭଵ କର୍ଣ୍ଣଧାର ଗୁରୁ ସଂସାରରେ ଏକା ll
ଗୁରୁ ଜ୍ଞାନାଞ୍ଜନେ କଲେ ଚକ୍ଷୁ ଉନ୍ମୀଳିନ l
ସେ ଜ୍ଞାନେ ଭ୍ରମିଲି ମୁହିଁ ସଂସାର କାନନ ll
ଗୁରୁ ପଥ ପ୍ରଦର୍ଶକ ଜ୍ଞାନାଲୋକେ ଏକା l
ସ୍ଫୁଲିଙ୍ଗେ ମାତ୍ରେ ପ୍ରଦୀପ ଜଳଇ ନିଶଙ୍କା ll
ସଂସାର ଗଭୀର ଜଳ,ନାହିଁ ଥଳ କୁଳ l
ଶ୍ରୀଗୁରୁ ନାମ ନଉକା ଅଟଇ କେବଳ ll
ଗୁ -ରୁ ଗୁଣ ଅତୀତ, ରୁ - ରୂପେ ବର୍ଣ୍ଣିତ l
ନିର୍ଗୁଣ ନିଷ୍କାମ ବ୍ରହ୍ମ ତ୍ରି ଦେବେ ପୁଜିତ ll
ନମଃ ଗୁରୁ ଗୋବିନ୍ଦାୟ ନମସ୍ତେ ଗୋବିନ୍ଦ l
ରଙ୍କେ ରଙ୍କାହୋଇ ବନ୍ଦେ ଶ୍ରୀପଦାରବିନ୍ଦ ll