ଗଉରବ ଭରା ଗରବ ଗାଥା
ଗଉରବ ଭରା ଗରବ ଗାଥା
ଏମାଟିକୁ ଆମ ଶତ ପ୍ରଣିପାତ
ଆମ ପାଇଁ ଇଏ ଚନ୍ଦନ ଚିତା
ଏ ମାଟିରେ ଲେଖା ଆମ ଇତିହାସ
ଗଉରବ ଭରା ଗରବ ଗାଥା
ଦୁର୍ଜୟ ଆମ ପାଇକଙ୍କ କଥା
ଏ ମାଟି ଆଜିବି କହେ ବଖାଣି
ଜଇ ରାଜଗୁରୁ ବକ୍ସି ଜଗବନ୍ଧୁ
ଦଳବେହେରାଙ୍କ ବୀର କାହାଣୀ
ଯେଉଁ କାହାଣୀ ର ନାୟକ ନିଜେତ
ପ୍ରଭୁ ଜଗନ୍ନାଥ ଜଗତ ନେତା
ଗଉରବ ଭରା ଗରବ ଗାଥା
ବରୁଣେଇ ଛାତି ଥରି ଉଠୁଥିଲା
ବାହୁବଳେନ୍ଦ୍ରଙ୍କ କୁହାଟ ଶୁଣି
କୃତ୍ତିବାସଙ୍କର ରଣ ହୁଙ୍କାରେ
ଚମକୁଥିଲା ଏ ଚିଲିକା ପାଣି
ଏମିତି ବୀରଙ୍କ ପାଦରେ ପ୍ରଣାମ
ଆମ ପାଇଁ ଯିଏ ଆଲୋକ ଶିଖା
ଗଉରବ ଭରା ଗରବ ଗାଥା
ଦିନ ମାସ ପୁଣି ଦୁଇଶ ବରଷ
ସମୟ ଶୁଅରେ ଗଲାଣି ବହି
ଖୋରଧା ମାଟିରେ ପାଦ ଥାପୁ ଥାପୁ
ହଜିଲା ଅତୀତ ଉଠଇ ଚେଇଁ
ଶେଷଯାଏ ଥିଲା ସ୍ବାଧୀନ ଏ ଦୁର୍ଗ
ଗୋରା ଫଉଜର ହଜାଇ ଚେତା
ଗଉରବ ଭରା ଗରବ ଗାଥା ।