ଗୋରଖନାଥ
ଗୋରଖନାଥ
ଅସୀମ ମହିମାମୟ ଅନାଥ ନାଥ
ପ୍ରଣତି ଘେନ ହେ ବାବା ଗୋରେଖନାଥ
ଅବେଳରେ ସାହା ହୁଅ ହୁଅ ଭରଷା
ଅଶରଣ ଜନେ କରି କୃପା ବରଷା
ତୁମେ କଲେ ଦୟା ଯାଏ ବିପଦ ଟଳି
ହସଇ ସଂସାର ଦେଲେ କରୁଣା ଢାଳି
ଅମା ଅନ୍ଧକାରେ ତୁମେ ଆଲୋକ ପଥ
ଭବ ଜଳଧୀ ରେ ତୁମେ ଆଶା ବୋଇତ
ପ୍ରଣତି ଘେନ ହେ ବାବା ଗୋରେଖନାଥ....
ତୁମେ ଶିବ ତୁମେ ଶମ୍ଭୁ ହେ ମହା ଯୋଗୀ
ଶୂନ୍ୟ ରେ ବାଜଇ ବୀଣା ତୁମରି ଲାଗି
ଧନ୍ୟ ଆଜି କେରେକେରା ତୁମରି ପାଇଁ
କାହିଁ କେତେ ଦୂରୁ ଭକ୍ତେ ଆସନ୍ତି ଧାଇଁ
ଉଛୁଳଇ ପୀଠେ ତୁମ ଭାବ ଭକତି
ତୁମ ନାମ ଜପ ତପେ ଅପୂର୍ବ ଶାନ୍ତି
ସବୁରି ଓଠରେ ତୁମ ମହିମା ଗୀତ
ତୁମ ପରଷ ରେ ହସେ ଶୂଭ ପ୍ରଭାତ
ପ୍ରଣତି ଘେନ ହେ ବାବା ଗୋରେଖନାଥ..
ତୁମରି ପାଦୁକ ପାଣି ଅମୃତ ଧରା
ରୋଗୀ ଭୋଗୀଙ୍କର ସେତ ଦୁଃଖ ପାଶୋରା
ତୁମରି ପାଦରେ ପ୍ରଭୁ ଗଲେ ଶରଣ
ବନ୍ଧ୍ୟା ନାରୀ ବନ୍ଧ୍ୟା ଦୋଷ ହୁଏ ହରଣ
ତୁମରି ପୀଠରେ ଧ୍ଯାଇ ତୁମରି ନାମ
ସର୍ପାଘାତ ଲୋକ ପାଏ ନୂଆ ଜନମ
ଯେଉଁଠି ଯିଏ ଡାକିଲେ ଡାକ ଶୁଣିତ
ଦୂର କରିଥାଅ ତୁମେ ଦୁଃଖୀ ଆରତ
ପ୍ରଣତି ଘେନ ହେ ବାବା ଗୋରେଖନାଥ...