ଗଙ୍ଗଶିଉଳି

ଶରତ ଆଗମନେ ଶିଶିର ଛୁଆଁରେ

     ଅଙ୍ଗଲତା ମୋର ଖେଳେ

ଶୁଭ୍ର ସ୍ଵଚ୍ଛ ରଙ୍ଗେ ଚହଟି ଉଠେ ମୁଁ

      ନୀଳ ଆକାଶର ତଳେ  ।

ଗୋଟିଏ ରାତିରେ ଅନେକ ସପନ

      ପ୍ରଭାତରୁ ଯାଏଁ ମୁଁ ମଉଳି

କ୍ଷଣସ୍ଥାୟୀ ଜୀବନ ଏ ଧରା ଧାମରେ

      ନାଁ ମୋର ଗଙ୍ଗଶିଉଳି  ।

ସଭିଏଁ ବିଶ୍ରାମ ନିଅନ୍ତି ରାତିରେ

      ମୁଁ ଆଶେ ଏହି ଅନ୍ଧାରରେ

ଏକୁଟିଆ କାଳେ ହୋଇଯିବି ମୁହିଁ

      ଭାବି ଆସନ୍ତି ତାରା ଜହ୍ନ ମୋ ସାଥୀର ।

ଚାରି ଆଡେ଼ ବିଞ୍ଚି ଦେଇ ମଧୁର ମହକ

      ହରାଇ ଥାଏ ମୋର ସ୍ବଳ୍ପ ଜୀବନ

ଦେଇଥାଏ ଜଗତକୁ ଏହି ବାରତା

      ବାହୁଡିବା ଦିନେ ଛାଡି ସମସ୍ତ ବନ୍ଧନ   ।