ଘରଣୀ

ସମସ୍ତେ ତୁମ ପରି ହୁଅନ୍ତେ କି

    ଭାବିବା ପୂର୍ବରୁ ଆସି ଯାଆନ୍ତେ

    ମାଗିବା ପୂର୍ବରୁ ଦେଇ ଦିଅନ୍ତେ

    ଆଦେଶ ପୂର୍ବରୁ କରି ଦିଅନ୍ତେ

    ଦୁଃଖ ରେ ମୁରୁକି ହସି ଦିଅନ୍ତେ ll

ସମସ୍ତେ ତୁମ ପରି ହୁଅନ୍ତେ କି 

    ପରିସ୍ଥିତି ଦେଖି ଖର୍ଚ୍ଚ କରନ୍ତେ

    ମାନ ଅଭିମାନ ଭୁଲି ଯାଆନ୍ତେ

    ଶରଧା ସେନେହ ଢାଳି ପକାନ୍ତେ

    ପରକୁ ଆପଣା କରି ଜାଣନ୍ତେ ll

ସମସ୍ତେ ତୁମ ପରି ହୁଅନ୍ତେ କି

    ଆଖିର ଭାଷା କୁ ବୁଝି ଯାଆନ୍ତେ

    ମନ ର ବ୍ୟଥା କୁ ପଢି ଦିଅନ୍ତେ

    ହୃଦୟ ର କଥା ଖୋଲି କୁହନ୍ତେ

    ଅଳ୍ପ କେ ସନ୍ତୁଷ୍ଟ ହୋଇ ଯାଆନ୍ତେ ll

ସମସ୍ତେ ତୁମ ପରି ହୁଅନ୍ତେ କି

    ନିଜ ଦୁଃଖ ତକ ଢ଼ୋକି ଦିଅନ୍ତେ

    ଅନ୍ୟ ପାଇଁ ସୁଖ ମାଗି ଆଣନ୍ତେ

    ପରିବାର ଶାନ୍ତି ମଙ୍ଗଳ ପାଇଁ

    ନିଜକୁ ସମର୍ପି ବାଣ୍ଟି ଦିଅନ୍ତେ ll

ସମସ୍ତେ ତୁମ ପରି ହୁଅନ୍ତେ କି

   ଦୁଃଖେ ସୁଖେ ସଦା ସାଥେ ଥା'ନ୍ତେ

   ମା' ପରି ସ୍ନେହ ଢାଳି ଦିଅନ୍ତେ

   ଝିଅ ପରି ଜତ୍ନ ନେଇ ଜାଣନ୍ତେ

   ବନ୍ଧୁ ପରି ଧୈର୍ଯ୍ୟ ଦେଉ ଥାଆନ୍ତେ ll

ସମସ୍ତେ ତୁମ ପରି ହୁଅନ୍ତେ କି.........