ଘର
ଘର
ଯେଉଁ ଘର ପାଖେ ଗଛ ନାହିଁ
ବାଡିବା ବଗିଚା ପଛ ଭାଇ,
ନାଲିଧଳା ଫୁଲ ଫୁଟୁନାହିଁ
କଢିରମହକ ଛୁଟୁନାହିଁ,
ତୁଳସୀ ଚଉରା ପୂଜା ନାହିଁ
ଆମ୍ବ କଦଳୀ ର ମଜା ନାହିଁ,
ଘାସଫୁଲ ହସ ଦେଖୁନାହିଁ
ଭାବନାର ଭାଷା ଲେଖୁନାହିଁ,
ସଜନା ଗଛ ବି ଉଠିନାହିଁ
ଟଗର ଗୋଲାପ ଫୁଟିନାହିଁ,
ଲେମ୍ବୁକି ଅଁଳା ଲାଗିନାହିଁ
ଅମୃତଭଣ୍ଡା ଟି ଜାଗିନାହିଁ,
ଶାଗ କି ଧଣିଆ ଦିସୁନାହିଁ
ମାଙ୍କଡ଼ ବାଡିକୁ ପସୁନାହିଁ,।
ପାରା କୁଆ ଆସି ବସୁନାହିଁ
ବଣି କି ଗୁଣ୍ଡୁଚି ହସୁନାହିଁ,
ଗାଈ ଗୋରୁ ଜମା ପସୁନାହିଁ
କୁକୁର ଦୁଆରେ ବସୁନାହିଁ,
ଅତିଥି ମାନଙ୍କ ଦେଖା ନାହିଁ
ପକ୍ଷୀର କାକଳି ଲେଖା ନାହିଁ,
ଅଗଣାରେ ଜହ୍ନ ଦେଖୁନାହିଁ
ଝରକା କୁ ଖୋଲା ରଖୁନାହିଁ,
ନିଛାଟିଆ ଘର ହୁଏ ପର
ଏକୁଟିଆ ପରି ଲାଗେ ଡର।