ଗାଁ ବଦଳି ଯାଇଛି

ଚାଲୁ ଚାଲୁ ମନେ ପଡିଲା କିଛି ଛାଡି ଦେଇ ଆସିଛି

ସବୁତ ଅଛି ପାଖେ ତେବେ କଣ ଛାଡି ଆସିଲି

ପଛକୁ ଫେରିଲି ପୁଣି ଖୋଜିବାକୁ ତାକୁ

ଆରେ ଏ ତ ମୋ ପିଲାଦିନ ହଜିଛି କେବେଠୁ l

ସେଇ ରାସ୍ତାରେ ଚାଲେ ଆଜି ଚିନ୍ତାଗ୍ରସ୍ତ ହୋଇ

ଯେଉଁ ରାସ୍ତାରେ ଦୌଡୁଥିଲି ମନଇଚ୍ଛା ସାଙ୍ଗଙ୍କୁ ନେଇ

ହାଥ ଠାରି ଡାକୁଛନ୍ତି ଆଜି ସେହି ଗାଁ ରାସ୍ତା ମୋତେ

ହେଲେ କେମିତି ବୁଝେଇବି ସହରର ଚକ୍ରବ୍ୟୁହ ଘେରିଛିଯେ ମୋତେ l

ମନେପଡେ କାଟୁଥିଲୁ ଖରାବେଳ ଆମ୍ବତୋଟା ଓ ନଈକୂଳରେ

ଆଜି ସେ ଖରାଦିନ କଟେ ଲୋକାଲ ଟ୍ରେନ ଓ ସେୟାର ଅଟୋ ରେ

ଇଚ୍ଛା ହୁଏ ଫେରିଯିବି ସେଇ ଗାଁକୁ ସବୁକିଛି ଛାଡିରେ

ହେଲେ ପାଦ ବାନ୍ଧିଯାଏ ଆଜି କର୍ତ୍ତ୍ୟବର କ୍ରୁର ଶିକୁଳିରେ l

ଭଙ୍ଗହେଲା ଚକ୍ରବ୍ୟୁହ ମୁକୁଳିଲା ଶିକୁଳି

ବୃଦ୍ଧାବସ୍ଥା କାଟିବାକୁ ନିଜ ଗାଁକୁ ମୁଁ ଆସିଲି

କେତେ ସ୍ବପ୍ନ ଆଣିଥିଲି ସାଥିରେ ମୁଁ ଏଠିକି

ଆସି ଦେଖେ ଗାଁ ମୋର ନୂଆ ଲାଗେ କାହିଁକି l

ନାହିଁ ଏଠି ଭାତୃଭାବ ଲୋକଙ୍କ ଭିତରେ

ନାହିଁ ଆଉ ପ୍ରେମଭାବ ଭାଇଭାଇ ମଧ୍ୟରେ

ଇର୍ଷା ଦ୍ୱେଷ ହିଂସା ଏଠି ଲୋକଙ୍କୁ ଯେ ଘାରିଛି

ଗାଁ ଆଉ ଗାଁ ନାହିଁ ବଦଳି ସେ ଯାଇଛି l