ଏମିତି ଏକ ଦିନ ଆସନ୍ତାକି ?

କାହାର ଚୁଲିରେ ବିଲେଇ ଶୋଉଛି

କିଏ ଭାସେ ମଦ ମାଂସରେ

କିଏ ତୋଳେ ଏଠି ନବସ୍ଚୁମ୍ବି କୋଠା

କାହାର ସମ୍ପତ୍ତି ଧ୍ଵଂସରେ ।

କିଏ ସେ ଟିକିଏ ଶାନ୍ତିରେ ରହିଲେ

ଜଳିଯାଏ କିଏ ଈର୍ଷାରେ 

କାହା ଓଠେ ଏଠି ହସର ଫଗୁଣ

କା' ଆଖି ଭିଜେ ଲୁହ ବର୍ଷାରେ ।

ପାଉନାହିଁ କିଏ ପେଟକୁ ତ ଦାନା

କିଏ ଖାଏ ସୁନା ଥାଳିରେ

କା' ଘରେ ସମ୍ପତ୍ତି ପରିପୂର୍ଣ୍ଣ ଏଠି

ପଇସାଏ ନାହିଁ କା' ଥଳିରେ ।

ଖାଇ ଖାଇ କିଏ ଫୋପାଡ଼ି ଦେଉଛି

କା' ପେଟ ପୋଡ଼ୁଛି ଭୋକରେ 

ହସ ଓ ଖୁସିରେ ଦିନ କଟେ କା'ର

କା' ଦିନ ବିତୁଛି ଦୁଃଖରେ ।

ଏମିତି ଗୋଟାଏ ଦିନ ଆସନ୍ତା କି

ରୁହନ୍ତେନି କେହି ଭୋକରେ

ଗରୀବର ଦୁଃଖେ ସାଥି ହୁଅନ୍ତା କି

ରହୁ ଅଛି ଯିଏ ସୁଖରେ ।