Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Kalandi pal

Inspirational

4  

Kalandi pal

Inspirational

ଏଇତ କୃଷକ ଜୀବନ

ଏଇତ କୃଷକ ଜୀବନ

1 min
263


ଝରଇ ଶିଶିର       ଶୀତଳ ସକାଳ

     ବରଷା ଯାଇଛି ଛାଡି

ସଜେଇ ହୋଇଛି    ପ୍ରକୃତି ରାଣୀଟା 

      ପିନ୍ଧି ହଳଦିଆ ଶାଢ଼ୀ ।


ଦକ୍ଷ କଳାକାର     କଳା କୌଶଳର

     ଅପରୂପ ସମାହାର

ଲହଡ଼ି ଭାଙ୍ଗଇ      କୃଷକ ହସଇ

     ଦେଖି ପରିଶ୍ରମ ଫଳ ।


ଖାତିର ନ କରି     ଶୀତ କାକରକୁ

     ପାହାନ୍ତି ପହରୁ ଉଠି

ବୋହି ଆଣେ ତାର   ପରିଶ୍ରମ ଫଳ

    ଭରେ ତା ଅମାର କୋଠି।


ଲକ୍ଷ ଲକ୍ଷ ଜୀବ   ପେଟକୁ ପୋଷିବ 

    ତାର ପରିଶ୍ରମ ଫଳେ

ଏଇ ତା ଆନନ୍ଦ     ଝରେ ମକରନ୍ଦ

     ସ୍ମିତ ହାସ୍ୟ ଓଷ୍ଠ ଧାରେ ।


ଜୀବନର ବାସ     ମାଟିର ମଣିଷ

     ମାଟି ସାଥେ ସଦା ଯୁଝେ

ଯୋଗାଏ ସେ ଅନ୍ନ   ବଞ୍ଚାଏ ଜୀବନ

     କିଏ ତା ପେଟକୁ ବୁଝେ ।


ଯାତନା ଲାଞ୍ଛନା  ତାର ଭାଗ୍ୟେ ସିନା

     ଜାଣି ଅଜଣା ମୁଖିଆ

ମଳି ମୁଣ୍ଡିଆରେ    ଗଣା ହୁଏ ସିଏ

      ସ୍ୱାର୍ଥପର ଏ ଦୁନିଆଁ ।


Rate this content
Log in