ଏଇ ଦାସେ ଦୟାକର

ଆହେ ମନୋହର ଗୋପୀ ପୁରନ୍ଦର

    ଏଇ ଦାସେ ଦୟାକର

ମାୟାର କବଳେ ସଂସାର ଜଞ୍ଜାଳେ

    ଜୀବନ ମୋ ଛାରଖାର

ଆହେ ଚକ୍ରଧର କରୁଣା ସାଗର

   କରୁଣା ଟିକିଏ କର

ଛାଡି ସବୁ ଦୋଷ ବୋଲୁ ପୀତବାସ

 ଅମାନିଆଁ ମନ ମୋର

ନାମ ଏକା ସାର  କିଛି ନାହିଁ ଆର

     କଳିରୁ କରେ ଉଦ୍ଧାର 

ମୁହିଁ ମହାପାପୀ   ତୁମ ନାମ ଜପି

     ମାୟା ଠାରୁ ରହେ ଦୂର

ତୁମରି ଆଶିଷେ ହରି ନାମ ରସେ

    ଭିଜୁ ରେ ହୃଦକନ୍ଦର

ଶୟନ ସପନେ  ଅବା ଜଗରଣେ

  ଭଜୁଥାଏ ନାମ ତୋର

ହେଉ ପୁଲକିତ  ପାଇ ଏ ପତିତ

   ନାମ ଜପ ଅଧିକାର

ଚରଣେ ତୁମରି  ସେବା କରି କରି

   ପ୍ରଭୁ ଜୀବ ଯାଉ ମୋର